സിനിമയുടെ കഥ ഒരുക്കിയിരിക്കുന്ന നോബിൾ ബാബു തോമസ് തന്നെയാണ് ചിത്രത്തിലെ നായകൻ.
 "Vineeth Sreenivasan's Thriller: ത്രില്ലറുമായി വിനീത്, നായകൻ നോബിൾ; ഫസ്റ്റ് ലുക്ക് പോസ്റ്റർ എത്തി, റിലീസ് സെപ്റ്റംബറിൽ")
ഫീൽ ഗുഡ് ചിത്രങ്ങൾക്ക് ശേഷം വിനീത് ശ്രീനിവാസൻ ഒരുക്കുന്ന ത്രില്ലർ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. കരം എന്നാണ് ചിത്രത്തിന് പേരിട്ടിരിക്കുന്നത്. നോബിൾ ബാബു ആണ് ചിത്രത്തിലെ നായകൻ. നോബിളിന്റേതാണ് ചിത്രത്തിന്റെ കഥയും. മെറിലാൻഡ് സിനിമാസ്, ഹാബിറ്റ് ഓഫ് ലൈഫ് എന്നിവയുടെ ബാനറിൽ വിശാഖ് സുബ്രഹ്മണ്യവും വിനീത് ശ്രീനിവാസനും ചേർന്നാണ് ചിത്രം നിർമ്മിക്കുന്നത്.
ഹൃദയം, വർഷങ്ങൾക്ക് ശേഷം എന്നീ ചിത്രങ്ങൾക്ക് ശേഷമാണ് വിനീത് ഒരു ത്രില്ലർ ചിത്രവുമായി എത്തുന്നത്. ധ്യാൻ ശ്രീനിവാസൻ നായകനായ തിരയ്ക്ക് ശേഷം വിനീത് ഒരുക്കുന്ന ത്രില്ലറാണിത്. ‘ആനന്ദം’, ‘ഹെലൻ’ എന്നീ ചിത്രങ്ങൾക്ക് വിനീത് വീണ്ടും നിർമ്മിക്കുന്ന ചിത്രമെന്ന പ്രത്യേകതയും ഇതിനുണ്ട്. സിനിമയുടെ പോസ്റ്റ് പ്രൊഡക്ഷൻ ജോലികൾ പുരോഗമിക്കുകയാണ്. ചിത്രത്തിന്റെ ആദ്യ ട്രെയിലർ അടുത്ത മാസം റിലീസ് ചെയ്യും.
പോസ്റ്റർ പങ്കുവെച്ച് കൊണ്ട് വിനീത് കുറിച്ചത് ഇങ്ങനെ...
സംവിധായകൻ എന്ന നിലയിൽ എന്റെ ഏഴാമത്തെ സിനിമയുടെ ഫസ്റ്റ് ലുക്ക് പോസ്റ്റർ.
ഹെലൻ, ഫിലിപ്സ് എന്നീ ചിത്രങ്ങളിലൂടെ നിങ്ങളുടെ മുന്നിലെത്തിയ, നോബിൾ തോമസ് ആണ് നായകൻ!!
ചിത്രീകരണം കഴിഞ്ഞ്, പോസ്റ്റ് പ്രൊഡക്ഷൻ ജോലികൾ നടക്കുന്നു.
ആദ്യത്തെ ട്രെയ്ലർ, അടുത്ത മാസം റിലീസ്!!
വലിയ ബജറ്റിൽ ഒരുങ്ങുന്ന ചിത്രം ജോർജിയ, റഷ്യയുടെയും അസർബൈജാന്റെയും അതിർത്തികൾ എന്നിവിടങ്ങളിൽ ഷൂട്ടിങ് പൂർത്തിയാക്കി. ഷിംല, ഛണ്ഡീഗഡ് എന്നിവിടങ്ങളിലും 5 ദിവസത്തെ ഷൂട്ടിങ് നടന്നിരുന്നു. കേരളത്തിൽ (കൊച്ചി) ഒരു ദിവസം മാത്രമാണ് ഷൂട്ട് നടന്നത്. സെപ്റ്റംബർ 25ന് ചിത്രം തിയേറ്ററുകളിലെത്തും.
ജോമോൻ ടി. ജോൺ ഛായാഗ്രഹണം. ഷാൻ റഹ്മാനാണ് സംഗീതം. രഞ്ജൻ എബ്രഹാമാണ് എഡിറ്റിങ്. നായകനായ നോബിൾ ആണ് ചിത്രത്തിന്റെ തിരക്കഥാകൃത്ത്. ഓഡ്രി മിറിയ, രേഷ്മ സെബാസ്റ്റ്യൻ എന്നിവരാണ് നായികമാർ. മനോജ് കെ. ജയൻ, കലാഭവൻ ഷാജോൺ, ബാബുരാജ്, വിഷ്ണു ജി. വാരിയർ, ജോണി ആന്റണി എന്നിവരാണ് ചിത്രത്തിലെ മറ്റ് പ്രധാന താരങ്ങൾ.
സംവിധായകൻ കെ. മധുവിന്റെ മകളും മരുമകനുമായ പാർവതി കെ. മധുവും മാധവ് രമേശുമാണ് ചിത്രത്തിന്റെ ലൈൻ പ്രൊഡ്യൂസർമാർ. എക്സിക്യൂട്ടീവ് പ്രൊഡ്യൂസർ: ശ്രാവൺ കൃഷ്ണകുമാർ. മാക്ക് ഈറാക്ലി മക്കത്സാറീയ (മാക്ക് പ്രൊഡക്ഷൻസ്) ആണ് ജോർജിയയിലെ ലൈൻ പ്രൊഡ്യൂസർ. വസ്ത്രാലങ്കാരം: മാഷർ ഹംസ, പ്രൊഡക്ഷൻ കൺട്രോളർ: സജീവ് ചന്ദിരൂർ, ക്രിയേറ്റീവ് ഡയറക്ടർ: ഷാരൂഖ് റഷീദ്, സംഘട്ടനം: ലസാർ വർദുകദ്സെ, നോബിൾ ബാബു തോമസ്, ഈറാക്ലി സബനാഡ്സെ, പ്രൊഡക്ഷൻ ഡിസൈനർ: വിനോദ് രവീന്ദ്രൻ, കലാസംവിധാനം: അരുൺ കൃഷ്ണ, മേക്കപ്പ്: മനു മോഹൻ, ചീഫ് അസോഷ്യേറ്റ് ഡയറക്ടർ: അഭയ് വാരിയർ, സ്റ്റിൽസ്: അനൂപ് ചാക്കോ, ഫിനാൻസ് കൺട്രോൾ: വിജേഷ് രവി, ടിൻസൺ തോമസ്, പിആർഒ -ആതിര ദിൽജിത്ത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)