close

News WrapGet Handpicked Stories from our editors directly to your mailbox

ഭൂമിയിലെ ഏറ്റവും സുരക്ഷിത നഗരം അബുദാബി

തുടര്‍ച്ചയായ രണ്ടാം വര്‍ഷമാണ് അബുദാബി ഈ അംഗീകാരം നേടുന്നത്. മൊത്തം 338 നഗരങ്ങളുടെ പട്ടികയാണ് വെബ്‌സൈറ്റ് പ്രസിദ്ധീകരിച്ചത്.   

Updated: Sep 22, 2018, 03:31 PM IST
ഭൂമിയിലെ ഏറ്റവും സുരക്ഷിത നഗരം അബുദാബി

അബുദാബി: ഭൂമിയിലെ ഏറ്റവും സുരക്ഷിത നഗരമായി അബുദാബിയെ തെരഞ്ഞെടുത്തു. ന്യൂമ്പിയോ വെബ്‌സൈറ്റ് പ്രസിദ്ധീകരിച്ച സുരക്ഷിത നഗര സൂചികയിലാണ് ഏറ്റവും സുരക്ഷയുള്ള നഗരമായി അബുദാബിയെ തെരഞ്ഞെടുത്തത്. അബുദാബി മുന്‍നിരയില്‍ ഇടം പിടിച്ചപ്പോള്‍ ദുബൈയ്ക്ക് ലഭിച്ചത് 11 മത്തെ സ്ഥാനമാണ്.

തുടര്‍ച്ചയായ രണ്ടാം വര്‍ഷമാണ് അബുദാബി ഈ അംഗീകാരം നേടുന്നത്. മൊത്തം 338 നഗരങ്ങളുടെ പട്ടികയാണ് വെബ്‌സൈറ്റ് പ്രസിദ്ധീകരിച്ചത്. കുറഞ്ഞ കുറ്റകൃത്യങ്ങള്‍ക്ക് പുറമെ ജീവിതച്ചെലവ്, മലിനീകരണം, യാത്രാചെലവ്, ജീവിതനിലവാരം തുടങ്ങിയ കാര്യങ്ങളും സൂചികയില്‍ പരിഗണിച്ചിരുന്നു.

ദോഹ, ഒസാക, സിംഗപ്പൂര്‍, ബേസല്‍, ക്യുബെക് സിറ്റി, ടോക്യോ, ബേണ്‍, മ്യൂണിച്ച്, ഇര്‍വിന്‍ സി.എ എന്നിവയാണ് അബുദാബിക്ക് പിന്നില്‍ യഥാക്രമം സുരക്ഷിതത്വം രേഖപ്പെടുത്തിയ ഒമ്പത് നഗരങ്ങള്‍. ഇന്ത്യന്‍ നഗരങ്ങളായ മംഗലുരുവിന് മുപ്പതാം സ്ഥാനവും, കൊച്ചിക്ക് 86 മത്തെ സ്ഥാനവും ലഭിച്ചു.

ഹോണ്ടുറാസിലെ സാന്‍ പെഡ്രോസുലയാണ് പട്ടികയില്‍ ഏറ്റവും പിറകില്‍. ജൊഹാനസ്ബര്‍ഗ്, ഡര്‍ബന്‍, ഫോര്‍ട്ടലേസ, കറാകസ് എന്നിവയാണ് ഏറ്റവും അവസാന അഞ്ചിലുള്ള മറ്റു രാജ്യങ്ങള്‍.