 "Flying Taxi in Dubai: 'പറക്കും ടാക്സി' വരുന്നു... കാത്തിരിപ്പിന് ഇനി മാസങ്ങള് മാത്രം; ആ അത്ഭുതം സംഭവിക്കുക മലയാളികളുടെ പ്രിയനാട്ടില്!")
ഗതാഗതക്കുരുക്കില്ലാത്ത പ്രധാന നഗരങ്ങള് ഒന്നും തന്നെ ലോകത്തിലെ ഒരു രാജ്യത്തും ഉണ്ടാവില്ല. റോഡ് ഗതാഗതം എന്നാല് ഗതാഗതക്കുരുക്ക് എന്ന് മാത്രമാണ് മിക്ക നഗരങ്ങളിലും വായിക്കപ്പെടുന്നത്. എന്നാല്, ഇതിന് എന്താണ് പ്രതിവിധി? മെട്രോ റെയില് സേവനങ്ങള് ഒരുപരിധിവരെ സഹായകമാണ്. എന്നാല് ഇതൊന്നും ഇല്ലാതെ ആകാശപാത തിരഞ്ഞെടുത്താല് എങ്ങനെ ഉണ്ടാകും?
അതാണ് ഫ്ലയിങ് ടാക്സി അല്ലെങ്കില് എയര് ടാക്സി എന്നൊക്കെ വിളിക്കാവുന്ന പറക്കും ടാക്സി. ഈ സേവനം അടുത്ത വര്ഷം മുതല് മലയാളികളുടെ പ്രിയ രാജ്യമായ ദുബായില് പ്രാബല്യത്തില് വരും എന്നാണ് വാര്ത്താ ഏജന്സിയായ റോയിറ്റേഴ്സ് റിപ്പോര്ട്ട് ചെയ്യുന്നത്. 2026 ന്റെ തുടക്കത്തോടെ തന്നെ ഈ സംവിധാനം ലഭ്യമായേക്കും.
പൈലറ്റ് ഉള്പ്പെടെ അഞ്ച് പേര്ക്ക് യാത്ര ചെയ്യാവുന്ന സംിധാനം ആയിരിക്കും ഇത്. യൂബര് ഒക്കെ പോലെ തന്നെ യാത്രക്കാര്ക്ക് മൊബൈല് ആപ്പ് വഴി ബുക്ക് ചെയ്യാനും പണമടക്കാനും എല്ലാം സാധിക്കും. കാലിഫോര്ണിയ കേന്ദ്രമായി പ്രവര്ത്തിക്കുന്ന ജോബി ഏവിയേഷന് ആണ് ദുബായില് എയര് ടാക്സി സംവിധാനം കൊണ്ടുവരാന് പോകുന്നത്.
പ്രധാനമായും നാല് 'വെര്ട്ടിപോര്ട്സ്' (Vertiports) കേന്ദ്രീകരിച്ചായിരിക്കും എയര് ടാക്സി പ്രവര്ത്തിക്കുക. ഈ വെര്ട്ടിപോര്ട്ടുകളെല്ലാം ഇപ്പോള് നിര്മാണത്തിലിരിക്കുകയാണ്. ദുബായ് അന്താരാഷ്ട്ര വിമാനത്താവളം, ഡൗണ്ടൗണ് ദുബായ്, ദുബായ് മറീന, പാം മുമൈര എന്നിവിടങ്ങളിലായിരിക്കും വെര്ട്ടിപോര്ട്ടുകള്. ആദ്യ വെര്ട്ടിപോര്ട്ട് ദുബായ് അന്താരാഷ്ട്ര വിമാനത്താവളത്തില് 2026 ന്റെ തുടക്കത്തില് പ്രവര്ത്തന സജ്ജമാകും.
യാത്ര വേഗത്തിലാക്കുക എന്നത് തന്നെയാണ് ഈ എയര് ടാക്സികളുടെ ലക്ഷ്യം. ദുബായ് വിമാനത്താവളത്തില് നിന്ന് പാം ജുമൈരയിലേക്ക് റോഡ് മാര്ഗ്ഗം പോകണമെങ്കില് 45 മിനിട്ട് എടുക്കും. എന്നാല് എയര് ടാക്സിയില് ഇത് വെറും 12 മിനിട്ട് ആയിരിക്കും. വലിയ ബിസിനസ് ടൈക്കൂണുകള്ക്കായിരിക്കും ഈ സേവനം ആദ്യ ഘട്ടത്തില് ഏറ്റവും ഗുണം ചെയ്യുക.
മണിക്കൂറില് 320 കിലോമീറ്റര് വരെ വേഗത്തില് ഈ എയര് ടാക്സികള്ക്ക് സഞ്ചരിക്കാന് സാധിക്കും. നിലവിലെ സാഹചര്യത്തില് ഒരു സിംഗിള് ട്രിപ്പിന് 75 ഡോളര് വരെ ചെലവ് വന്നേക്കാം എന്നാണ് കണക്കാക്കുന്നത്. ഇന്ത്യന് രൂപയില് പറഞ്ഞാല് 6,500 രൂപയോളം വരും ഇത്. എന്തായാലും ദുബായ് നഗരത്തിന്റെ ഭംഗി മുഴുവന് ആസ്വദിച്ചുകൊണ്ടുള്ള ഒരു യാത്രയായിരിക്കും ലഭിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)