Saudi Arabia: ഉംറ തീർത്ഥാടകരുടെ ബസിന് തീപിടിച്ചു; 6 പേർക്ക് ദാരുണാന്ത്യം, 14 പേർക്ക് പരിക്ക്

Saudi News: ഇന്നലെ മക്ക മദീന റോഡിൽ വാദി ഖുദൈദിലാണ് അപകടമുണ്ടായത്. ബസ് മറ്റൊരു വാഹനവുമായി കൂട്ടിയിടിച്ച് മറിഞ്ഞ് തീപിടിക്കുകയായിരുന്നു.

മദീന: സൗദി അറേബ്യയില്‍ ഉംറ തീര്‍ത്ഥാടകരുടെ ബസിന് തീപിടിച്ച് ആറു പേര്‍ക്ക് ദാരുണാന്ത്യം. സംഭവത്തിൽ 14 പേര്‍ക്ക് പരിക്കേറ്റു. ഇന്തോനേഷ്യയില്‍ നിന്നുള്ള തീര്‍ത്ഥാടക സംഘമാണ് അപകടത്തില്‍പ്പെട്ടത് എന്നാണ് റിപ്പോർട്ട്. 

അപകടമുണ്ടായത് ഇന്നലെയാണ്.  മക്ക-മദീന റോഡില്‍ വാദി ഖുദൈദിലാണ് അപകടമുണ്ടായിരിക്കുന്നത്. ബസില്‍ മൊത്തം 20 തീര്‍ത്ഥാടകരാണ് ഉണ്ടായിരുന്നതെന്നാണ് റിപ്പോർട്ട്. ബസ് മറ്റൊരു വാഹനവുമായി കൂട്ടിയിടിച്ച് മറിഞ്ഞാണ് തീപിടിച്ചതിന്നാണ് റിപ്പോർട്ട്. അപകടത്തിൽ ഗുരുതമായി പരിക്കേറ്റവരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഇവർ ചികിത്സയിലാണെന്ന് ഇന്തോനേഷ്യന്‍ വിദേശകാര്യ മന്ത്രാലയം അറിയിച്ചിട്ടുണ്ട്.

ഖത്തറിൽ വരുന്ന ദിവസം ഇടിമിന്നലോടു കൂടിയ മഴയ്ക്ക് സാധ്യത

ഖത്തറില്‍ വാരാന്ത്യത്തില്‍ മഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്. വാരാന്ത്യത്തില്‍ ചൂട് കൂടുമെന്നും താപനില 23 ഡിഗ്രി സെല്‍ഷ്യസിനും 30 ഡിഗ്രി സെല്‍ഷ്യസിനും ഇടയിലാകുമെന്നും റിപ്പോർട്ടുണ്ട്.

വാ​രാ​ന്ത്യ​ങ്ങ​ളി​ൽ പ​ക​ൽ സ​മ​യം താ​ര​ത​മ്യേ​ന ചൂ​ടു​ള്ള​തും മേ​ഘാ​വൃ​ത​വു​മാ​യ കാ​ലാ​വ​സ്ഥ​യാ​ണ് പ്ര​തീ​ക്ഷി​ക്കു​ന്ന​തെന്നും ശ​നി​യാ​ഴ്ച ഇ​ടി​മി​ന്ന​ലി​നും മ​ഴ​ക്കും ശ​ക്ത​മാ​യ കാ​റ്റി​നും സാ​ധ്യ​ത​യുണ്ടെന്നും. തെക്ക്കിഴക്കന്‍ വടക്ക് കിഴക്കന്‍ പ്രദേശങ്ങളില്‍ മണിക്കൂറില്‍ അഞ്ച് മുതല്‍ 15 നോട്ടിക്കല്‍ മൈല്‍ വരെ വേഗതയില്‍ കാറ്റ് വീശുമെന്നും ചിലപ്പോള്‍ ഇത് 25 നോട്ടിക്കല്‍ മൈല്‍ വരെ ആയേക്കാമെന്നും റിപ്പോർട്ടുണ്ട്. തിരമാലകള്‍ 1 മുതല്‍ 3 അടി വരെ ഉയര്‍ന്നേക്കുമെന്നും അത് നാളെ 8 അടി വരെ ഉയാനുള്ള സാധ്യതയുണ്ടെന്നും അറിയിച്ചിട്ടുണ്ട്.