Eid Al-Fitr: ഈദുൽ ഫിത്ർ പ്രമാണിച്ച് സീ ടാക്സി നിരക്കുകളിൽ ഇളവുകൾ പ്രഖ്യാപിച്ച് ജിദ്ദ

Saudi Arabia: ന​ഗരത്തിലെ ​ഗതാ​ഗതക്കുരുക്ക് ​ലഘൂകരിക്കുന്നതിന്റെ ഭാ​ഗമായി മേയർ നടപ്പാക്കുന്ന ഒരു വലിയ പൊതു​ഗതാ​ഗത ശ്യംഖലയുടെ ഭാ​ഗമാണ് ഈ വാട്ടർ ടാക്സി സംവിധാനം.

ജിദ്ദ: സീ ടാക്സി നിരക്കുകളിൽ ഇളവുകൾ പ്രഖ്യാപിച്ച് ജിദ്ദ ട്രാൻസ്പോർട്ട് കമ്പനി രംഗത്ത്. ഈദുൽ ഫിത്ർ പ്രമാണിച്ചാണ് ഇളവുകൾ പ്രഖ്യാപിച്ചിരിക്കുന്നത്.  

Add Zee News as a Preferred Source

ടിക്കറ്റ് നിരക്കുകൾ 25 റിയാലായാണ് കുറച്ചിരിക്കുന്നത്. ജിദ്ദ യാച്ച് ക്ലബിനെയും ഹിസ്റ്റോറിക് ജിദ്ദ ഡിസ്ട്രിക്ടിനെയും ബന്ധിപ്പിക്കുന്ന സീ ടാക്സി റൂട്ടിൽ ഏപ്രിൽ 3 വരെ യാത്ര ചെയ്യാവുന്നതാണ്. റമദാൻ മാസത്തിൽ 25 മുതൽ 50 റിയാൽ വരെയായിരുന്നു മുൻപ് ഫീസ് ഈടാക്കിയിരുന്നത്. പത്ത് വയസ്സിന് താഴെയുള്ള കുട്ടികൾക്ക് സൗജന്യ യാത്രയായിരുന്നു. 

മാർച്ച് ആറിനാണ് ജിദ്ദയിൽ അത്യാധുനിക സൗകര്യത്തോടെയുള്ള വാട്ടർ ടാക്സി സംവിധാനത്തിന്റെ പരിക്ഷണ ഓട്ടം നടന്നത്. ജിദ്ദ യാച്ച് ക്ലബ്, ഹിസ്റ്റോറിക് ജിദ്ദ ഡിസ്ട്രിക്ട്, ഒബുർ എന്നീ മൂന്ന് പ്രധാന സ്ഥലങ്ങളെ ബന്ധിപ്പിച്ചാണ് ആദ്യ ഘട്ടത്തിൽ വാട്ടർ ടാക്സി പ്രവർത്തിക്കുന്നത്. നിലവിൽ അടച്ചിട്ടിരിക്കുന്ന ഷാം ഒബുർ ഉടൻ തന്നെ പ്രവർത്തനമാരംഭിക്കുമെന്നാണ് റിപ്പോർട്ട്. 

ന​ഗരത്തിലെ ​ഗതാ​ഗതക്കുരുക്ക് ​ലഘൂകരിക്കുന്നതിന്റെ ഭാ​ഗമായി മേയർ നടപ്പാക്കുന്ന ഒരു വലിയ പൊതു​ഗതാ​ഗത ശ്യംഖലയുടെ ഭാ​ഗമായാണ് ഈ വാട്ടർ ടാക്സി സംവിധാനം കൊണ്ടുവന്നിരിക്കുന്നത്. താമസക്കാർക്കും സന്ദർശകർക്കും ​ഗതാ​ഗതം കൂടുതൽ സു​ഗമമാക്കുന്നതിന്റെ ഭാ​ഗമായാണ് ഈ പദ്ധതി.  

ഈ പദ്ധതി അനുസരിച്ച് പ്രതിദിനം 29,000 ലധികം പേർക്ക് യാത്ര ചെയ്യാൻ സൗകര്യമൊരുക്കുന്നു. ഇതിനായി 20 വാട്ടർ ടാക്സ് സ്റ്റേഷനുകൾ സ്ഥാപിക്കുമെന്ന് ജിദ്ദ പ്രാദേശിക ഭരണകൂടം അറിയിച്ചിരുന്നു. ന​ഗരത്തിലെ വർധിച്ചു വരുന്ന ജനസംഖ്യ കണക്കിലെടുത്തും സന്ദർശകരുടെ ഒഴുക്ക് മൂലമുണ്ടാകുന്ന ​ഗതാ​ഗത പ്രശ്നങ്ങൾ ലഘൂകരിക്കാനുമായാണ് ജല​ഗതാ​ഗത പദ്ധതി കൊണ്ടുവന്നത്.