7th Pay Commission: കേന്ദ്ര ജീവനക്കാർക്ക് സന്തോഷവാർത്ത... ജൂലൈ മുതൽ ഡിഎ വർധിക്കും, അറിയാം എത്രത്തോളം?

7th Pay Commission: കേന്ദ്ര ജീവനക്കാർക്കും പെൻഷൻകാർക്കും ക്ഷാമബത്ത സംബന്ധിച്ച് ഒരു സന്തോഷവാർത്ത വന്നിരിക്കുകയാണ്. 2025 ജൂലൈ ഇവർക്ക് ശരിക്കും ഒരു  ആശ്വാസമാകും എന്നാണ് പറയുന്നത്.

2025 ജനുവരി മുതൽ മെയ് വരെയുള്ള AICPI (All India Consumer Price Index) ഡാറ്റ പ്രകാരം ക്ഷാമബത്ത (DA Hike) 57.85% ആയി. അത്തരമൊരു സാഹചര്യത്തിൽ വരും ദിവസങ്ങളിൽ ജീവനക്കാരുടെ ക്ഷാമബത്തയിൽ വീണ്ടും ഒരു വലിയ കുതിച്ചുചാട്ടം വരും.

നിലവിലെ സൂചികയിലെ കണക്കുകൾ പരിശോധിച്ചാൽ ക്ഷാമബത്തയിൽ 3 ശതമാനം വരെ വർദ്ധനവ് ഉണ്ടാകുമെന്നാണ്. ജൂൺ മാസത്തെ കണക്കുകൾ ഇനിയും വരാനിരിക്കുന്നതേയുള്ളൂ. ഏഴാം ശമ്പള കമ്മീഷൻ പ്രകാരം ജീവനക്കാർക്ക് ഡിഎയിൽ 3% ഡയറക്റ്റ് വർദ്ധനവ് ലഭിക്കും അതിലൂടെ ഡിഎ 58% ആയി ഉയരും.

 

AICPI സൂചികയിൽ നിന്നുള്ള സംഖ്യകളിൽ നിന്നുമാണ് DA എത്രത്തോളം വർദ്ധിക്കാമെന്നത് തീരുമാനിക്കുന്നത്. 2025 ജനുവരി മുതൽ ജൂൺ വരെ ലഭിക്കുന്ന കണക്കുകളുടെ അടിസ്ഥാനത്തിൽ 2025 ജൂലൈ മുതൽ ജീവനക്കാർക്ക് എത്ര ക്ഷാമബത്ത ലഭിക്കുമെന്ന് തീരുമാനിക്കും.

ജനുവരി, ഫെബ്രുവരി, മാർച്ച്, ഏപ്രിൽ, മെയ് മാസങ്ങളിലെ കണക്കുകൾ വന്നിട്ടുണ്ട്. മെയ് മാസത്തെ AICPI യുടെ ഏറ്റവും പുതിയ ഡാറ്റ പുറത്തിറങ്ങി. അതിൽ നല്ല വർദ്ധനവ് ഉണ്ടായിട്ടുണ്ട്. ഏപ്രിലിനെ അപേക്ഷിച്ച് സൂചിക 0.5 പോയിന്റ് വർദ്ധിച്ചു. അതിലൂടെ ഇത് 144.0 ആയി. ഏഴാം ശമ്പള കമ്മീഷന്റെ പരിധിയിൽ വരുന്ന കേന്ദ്ര ജീവനക്കാർക്ക് ഇതുവരെ 55 ശതമാനം ക്ഷാമബത്ത ലഭിച്ചിരുന്നു. ജൂലൈയിൽ ക്ഷാമബത്ത 3 ശതമാനം വർദ്ധിക്കുമെന്നാണ് റിപ്പോർട്ട്.

ജനുവരിയിൽ സൂചിക 143.2 പോയിന്റായിരുന്നു, ഇത് ക്ഷാമബത്ത സ്കോർ 56.39 ശതമാനമാക്കി. ഫെബ്രുവരിയിൽ സൂചിക 142.8 പോയിന്റും മാർച്ചിൽ 143 പോയിന്റും ഏപ്രിലിൽ 143.5 പോയിന്റുമായിരുന്നു. ഈ പാറ്റേൺ അനുസരിച്ച് ഏപ്രിൽ വരെ ക്ഷാമബത്ത യഥാക്രമം 56.72 ശതമാനം, 57.09 ശതമാനം, 57.47 ശതമാനം എന്നിങ്ങനെയായിരുന്നു. മെയ് മാസത്തെ കണക്കുകൾ പ്രകാരം ക്ഷാമബത്തയുടെ സ്കോർ 57.85 ശതമാനമായി ഉയർന്നു. ഇനി ജൂണിലെ ഡാറ്റ മാത്രമേ ലഭിക്കാനുള്ളു.

 

കേന്ദ്ര ജീവനക്കാർക്ക് ഒരു സന്തോഷവാർത്ത കൂടിയുണ്ട് എന്ന് പറയുന്നതിന്റെ കാരണം ഇനി ക്ഷാമബത്ത കുറഞ്ഞത് 3 ശതമാനം വർദ്ധിക്കും എന്നത് തന്നെയാണ്. കാരണം ജൂണിൽ AICPI സൂചിക 144 ൽ തുടർന്നാലും ക്ഷാമബത്ത 58.08% ൽ എത്തും. സൂചികയിൽ 0.5 പോയിന്റ് കുറവുണ്ടായാലും ക്ഷാമബത്ത 3% വർദ്ധിക്കും.

മെയ് മാസത്തോടെ ഡിഎ 57% കടന്നു. ജൂൺ മാസത്തിലെ കണക്കുകൾ വരുമ്പോഴേക്കും അത് 58 ൽ എത്തിയേക്കാം. ജൂണിലും ഈ പ്രവണത തുടർന്നാൽ ജൂലൈ മുതൽ കേന്ദ്ര ജീവനക്കാരുടെ ഡിഎ 58% ആയി ഉയരും.

ക്ഷാമബത്തയിലെ അടുത്ത പരിഷ്കരണം എപ്പോഴാണ്? : ജീവനക്കാർക്കുള്ള ഡിയർനെസ് അലവൻസിലെ (DA Hike) അടുത്ത പരിഷ്കരണം 2025 ജൂലൈ മുതൽ നടപ്പിലാക്കും. ഇത് സെപ്റ്റംബർ അല്ലെങ്കിൽ ഒക്ടോബർ മാസത്തോടെ പ്രഖ്യാപിക്കും. യഥാർത്ഥത്തിൽ ജൂൺ മാസത്തെ കണക്കുകൾ ജൂലൈ അവസാനത്തോടെ ലഭിക്കും. ഇതിനുശേഷം ഇതിന്റെ അടിസ്ഥാനത്തിൽ എത്രമാത്രം വർദ്ധനവ് വേണമെന്ന് തീരുമാനിക്കും. 

ശേഷം ലേബർ ബ്യൂറോയിൽ നിന്ന് ഫയൽ ധനകാര്യ മന്ത്രാലയത്തിലെത്തും തുടർന്ന് മന്ത്രിസഭ അത് അംഗീകരിക്കും. ഇതിനുശേഷം അംഗീകാരം ലഭിക്കുന്ന മാസത്തെ ശമ്പളം മുതലുള്ള ഡിഎ വർധനവും നൽകും.  കിട്ടാതിരുന്ന മാസത്തെ ഡിഎ അരിയർ അതായത്  കുടിശ്ശികയും ലഭിക്കും.