8th pay commission Update: എട്ടാം ശമ്പള കമ്മീഷൻ: ജനുവരി മുതൽ കേന്ദ്ര സർക്കാർ ജീവനക്കാർക്ക് ഡിഎ വർദ്ധനവ് എത്ര പ്രതീക്ഷിക്കാം?

1 /5

ഡിഎ, ഡിആർ 2 ശതമാനം വരെ വർധിപ്പിക്കുമെന്നാണ് പ്രതീക്ഷിക്കുന്നത്. അങ്ങനെ സംഭവിച്ചാൽ, കഴിഞ്ഞ 7 വർഷത്തിനിടയിലെ ഏറ്റവും കുറഞ്ഞ ഡിഎ വർധനവുകളിൽ ഒന്നായിരിക്കും ഇത്. 2018 ജൂലൈയിൽ ഡിഎ 2% വർധിപ്പിച്ച് 7% ൽ നിന്ന് 9% ആയിരുന്നു. എന്നാൽ 3% മുതൽ 4% വരെ വർധനവും ചിലർ പ്രതീക്ഷിക്കുന്നുണ്ട്.   

2 /5

ഡിഎ വർധിക്കുമ്പോൾ അത് മൊത്ത ശമ്പളത്തിലും പെൻഷൻ പേഔട്ടുകളിലും നേരിട്ടുള്ള വർദ്ധനവിന് കാരണമാകും. നിലവിൽ, ഒരു ജീവനക്കാരന്റെ അടിസ്ഥാന ശമ്പളത്തിന്റെ 53% ആണ് ഡിഎ എന്ന് പറയുന്നത്. ഡിഎ വർധനവ് 2 ശതമാനം ആകുമ്പോൾ 20,000 രൂപ അടിസ്ഥാന ശമ്പളമുള്ള ഒരു ജീവനക്കാരന് അവരുടെ പ്രതിമാസ ഡിഎയിൽ 400 രൂപയും വർധനവ് ഉണ്ടാകും. ഇത് അവരുടെ മൊത്തത്തിലുള്ള വരുമാനത്തിൽ ആനുപാതികമായ വർധനവിന് കാരണമാകുമെന്ന് കണക്കാക്കപ്പെടുന്നു.  

3 /5

2024 ഒക്ടോബറിൽ പ്രഖ്യാപിച്ച അവസാന ഡിഎ വർദ്ധനവ് 2024 ജൂലൈ മുതൽ മുൻകാല പ്രാബല്യത്തോടെ പ്രാബല്യത്തിൽ വന്നു. ഇതോടെ ഡിഎ 50% ൽ നിന്ന് നിലവിലുള്ള 53% ആയി വർധിക്കുകയായിരുന്നു.  

4 /5

എട്ടാം ശമ്പള കമ്മീഷൻ 2026 ജനുവരി 1 മുതൽ പ്രാബല്യത്തിൽ വരും. ജനുവരിയിലാണ് കേന്ദ്ര സർക്കാർ ജീവനക്കാരുടെയും പെൻഷൻകാരുടെയും ശമ്പള സ്കെയിലുകൾ പരിഷ്കരിക്കുന്നതിനുള്ള എട്ടാം ശമ്പള കമ്മീഷൻ രൂപീകരിക്കാൻ പ്രധാനമന്ത്രി മോദി അംഗീകാരം നൽകിയത്.   

5 /5

എട്ടാം ശമ്പള കമ്മീഷനിലെ ശമ്പള വർദ്ധനവ് ഫിറ്റ്‌മെൻ്റ് ഫാക്ടർ അനുസരിച്ചായിരിക്കും. വിദഗ്ധരുടെ അഭിപ്രായ പ്രകാരം ഇത് 1.92 നും 2.86 നും ഇടയിലായിരിക്കും.