Blood Pressure LoweringTips: 'സൈലന്റ് കില്ല'റിനെ വീട്ടില് തുരത്താം... ഈ ഹോം റെമഡീസ് ഒന്ന് പരീക്ഷിച്ച് നോക്കൂ
Blood Pressure LoweringTips: വീട്ടുപരീക്ഷണങ്ങൾ രക്തസമ്മർദ്ദം നിയന്ത്രിക്കുന്നതിന് നിങ്ങളെ സഹായിച്ചേക്കാം. എന്നാൽ ആവശ്യമായ സമയത്ത് വൈദ്യസഹായം തേടുക എന്നത് നിർബന്ധമാണ്.
1/8Blood Pressure Lowering Tips
നിശബ്ദ കൊലയാളി എന്നാണ് രക്തസമ്മര്ദ്ദത്തെ ആരോഗ്യ മേഖലയിലെ വിദഗ്ധര് വിശേഷിപ്പിക്കുന്നത്. രക്തസമ്മര്ദ്ദത്തെ അങ്ങനെ വിശേഷിപ്പിക്കുന്നത് വെറുതേയല്ല, ഒരുപാട് മനുഷ്യരുടെ ജീവന് വളരെ എളുപ്പത്തില് എടുത്തിട്ടുണ്ട് ഈ രോഗാവസ്ഥ. ജീവത രീതി മെച്ചപ്പെടുത്തു, ജീവിത ശൈലിയില് മാറ്റം വരുത്തുക, ആവശ്യത്തിന് മരുന്നുകള് കഴിക്കുക എന്നതെല്ലാം രക്തസമ്മര്ദ്ദം നിയന്ത്രിക്കാന് അത്യന്താപേക്ഷിതമാണ്. വീട്ടില് പരീക്ഷിക്കാവുന്ന ചില സൂത്രപ്പണികളും ഉണ്ട്.
2/8നേന്ത്രപ്പഴവും ചീരയും (Banana and Spinach)
നേന്ത്രപ്പഴവും ചീരയും (Banana and Spinach): പൊട്ടാഷ്യം കൂടുതലുള്ള ഭക്ഷണം കഴിക്കുന്നത് രക്തസമ്മര്ദ്ദം നിയന്ത്രിക്കാന് ഉപകരിക്കും. നേന്ത്രപ്പഴം, ചീര എന്നിവയാണ് ഉദാഹരണങ്ങള്. ഇത് സോഡിയം ലെവല് ബാലന്സ് ചെയ്യും. രക്തസമ്മര്ദ്ദം കുറയ്ക്കുകയും ചെയ്യും.
3/8യോഗ (Meditation)
യോഗ (Meditation): യോഗ ചെയ്യുന്നത് പൊതുവേ ആരോഗ്യത്തിനും മനസ്സിലും ഏറെ നല്ലതാണ് എന്നാണ് പറയപ്പെടുന്നത്. ലളിതമായ ശ്വാസക്രമത്തിലൂടെ നിങ്ങളുടെ നാഡീവ്യൂഹ പ്രവര്ത്തനങ്ങളെ ശാന്തമാക്കുന്നു. ദിവസവും ഒരു പത്ത് മിനിട്ട് ശ്വസന പരിശീലനം നടത്തുന്നത് രക്തസമ്മര്ദ്ദം ഉയര്ത്താതെ നിര്ത്താന് സഹായിക്കും.
4/8വെളുത്തുള്ളി (Garlic)
വെളുത്തുള്ളി (Garlic): രക്തക്കുഴലുകളില് കൊഴുപ്പടിഞ്ഞ് കൂടുന്നത് രക്തസമ്മര്ദ്ദം രൂക്ഷമാക്കും. ദിവസവും ഭക്ഷണത്തില് വെളുത്തുള്ളി ഉള്പ്പെടുത്തിയാല് ഇതിന് ചെറിയൊരു പരിഹാരം ലഭിക്കും. വെളുത്തുള്ളിയില് അടങ്ങിയിരിക്കുന്ന ചില രാസവസ്തുക്കള് രക്തുക്കഴലുകള് വികസിപ്പിക്കാന് സഹായിക്കുന്നവയാണ്. ഇത് രക്തസമ്മര്ദ്ദം കുറയ്ക്കും.
5/8ചെമ്പരത്തി ചായ (Hibiscus Tea)
ചെമ്പരത്തി ചായ (Hibiscus Tea): ചെമ്പരത്തിയില്ലാത്ത വീടുകള് കേരളത്തില് അധികം ഉണ്ടാവില്ല. ചെമ്പരത്തിപ്പൂവ് ഉപയോഗിച്ചുണ്ടാക്കുന്ന ചായ, രക്തസമ്മര്ദ്ദം കുറയ്ക്കാന് ഉത്തമം ആണെന്നാണ് പറയുന്നത്. സിസ്റ്റോളിക് പ്രഷര് കുറയ്ക്കാന് ആണ് ഇത് സഹായിക്കുന്നത്. ശരീരത്തിലെ നീര് കുറയ്ക്കാനും ഇത് സഹായിക്കും.
6/8നാരങ്ങാവെള്ളം (Lemon Water)
നാരങ്ങാവെള്ളം (Lemon Water): നാരങ്ങാവെള്ളം കുടിക്കാന് ഇഷ്ടപ്പൈത്തവര് അധികം കാണില്ല. എന്നാല് ഇളം ചൂടുവെള്ളത്തില് നാരങ്ങാ നീര് ചേര്ത്ത് കുടുച്ചാലുള്ള ആരോഗ്യ ഗുണം അറിയാമോ? രാവിലെ വെറും വയറ്റില് കുടിച്ചാല് ശരീരത്തിലെ ദോഷകരമായ വസ്തുക്കളെ നശിപ്പിക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യും. രക്തക്കുഴലുകളുടെ ഫ്ലെക്സിബിലിറ്റിയേയും ഇത് സ്വാധീനിക്കും.
7/8വ്യായാമം (Workout)
വ്യായാമം (Workout): ഒരു ചെലവും ഇല്ലാതെ, എല്ലാവര്ക്കും, എല്ലാ ദിവസവും ചെയ്യാവുന്ന കാര്യമാണ് വ്യായാമം. നടത്തം ആവട്ടെ, യോഗ ആവട്ടെ, സ്ട്രെച്ചിങ് ആവട്ടെ... ഇതെല്ലാം രക്തചംക്രമണം വര്ദ്ധിക്കാന് സഹായിക്കുന്നവയാണ്. രക്തസമ്മര്ദ്ദം നിയന്ത്രിക്കാനും ഹൃദയാരോഗ്യം സംരക്ഷിക്കാനും ഇവ സഹായിക്കും.
8/8ഉപ്പ് കുറയ്ക്കുക (Salty Food)
ഉപ്പ് കുറയ്ക്കുക (Salty Food): രക്തസമ്മര്ദ്ദം ഉയരുന്നു എന്ന് കേള്ക്കുമ്പോള് തന്നെ ഉപ്പ് ഉപേക്ഷിക്കാനുള്ള ഉപദേശവും കൂടെ കിട്ടും. ഇതൊരു യാഥാര്ത്ഥ്യം കൂടിയാണ്. ഉപ്പിന്റെ ഉപയോഗം പരമാവധി കുറയ്ക്കുന്നത് രക്തസമ്മര്ദ്ദം നിയന്ത്രിക്കാന് സഹായിക്കും.
Trending
- News
- Photos
- Videos
)