Chanakya Niti: ഭാര്യയും ഭർത്താവും ഇക്കാര്യങ്ങൾ ശീലമാക്കിയാൽ ദാമ്പത്യം മനോഹരം! ചാണക്യൻ പറയുന്നത് ഇങ്ങനെ
ആചാര്യൻ ചാണക്യൻ ജീവിതത്തിലെ എല്ലാ കാര്യങ്ങളിലും പാലിക്കേണ്ട നിയമങ്ങളെക്കുറിച്ച് വ്യക്തമാക്കിയിട്ടുണ്ട്. ദാമ്പത്യ ജീവിതത്തിൽ സന്തോഷം ഉണ്ടാകുന്നതിന് ചാണക്യൻ നിർദേശിക്കുന്നത് എന്താെല്ലാമാണെന്ന് അറിയാം.
- May 16, 2025, 10:50 AM IST
ലോകത്തിലെ മികച്ച ആചാര്യൻമാരിൽ ഒരാളാണ് ചാണക്യൻ. ദാമ്പത്യ ജീവിതം മനോഹരമാകാനും ദമ്പതികൾ തമ്മിലുള്ള ബന്ധം ദൃഢമാകാനും അദ്ദേഹം ചാണക്യ നീതിയിൽ പറഞ്ഞിരിക്കുന്നത് എന്തെല്ലാം കാര്യങ്ങളാണെന്ന് അറിയാം.
പരസ്പര ബഹുമാനം- ഭാര്യാഭർത്താക്കന്മാർ തമ്മിൽ സ്നേഹവും പരസ്പര ബഹുമാനവും ഉണ്ടായിരിക്കേണ്ടത് വളരെ പ്രധാനമാണ്. പരസ്പരം സ്നേഹവും ബഹുമാനവും കാത്തുസൂക്ഷിക്കുന്ന ബന്ധങ്ങൾ മനോഹരമായിരിക്കുമെന്നാണ് ചാണക്യൻ പറയുന്നത്.
അഹങ്കരിക്കരുത്- അഹങ്കാരം കാണിക്കുന്നത് ബന്ധത്തെ തകർച്ചയിലേക്ക് നയിക്കും. പരസ്പരം മനസ്സിലാക്കി ഒരുമയോടെ മുന്നോട്ട് പോയാൽ മാത്രമേ ദാമ്പത്യജീവിതം മനോഹരമാകൂ.
ക്ഷമ- ജീവിതത്തിൽ സംയമനം പാലിക്കുന്നവർക്ക് കഠിനമായ സാഹചര്യങ്ങളെപ്പോലും അനായാസം നേരിടാനാകും. ഇവർ എല്ലാ ബുദ്ധിമുട്ടുകളിൽ നിന്നും കരകയറും. ഭാര്യയും ഭർത്താവും ക്ഷമാശീലമുള്ളവരായിരിക്കുന്നത് ദാമ്പത്യ ജീവിതം മനോഹരമാക്കും.
സ്വകാര്യത- ഭാര്യയും ഭർത്താവും തമ്മിലുള്ള സ്വകാര്യത ആരുമായും പങ്കുവയ്ക്കരുത്. ഇത് ദാമ്പത്യ ജീവിതത്തെ മോശമായി ബാധിക്കും. പരസ്പര വിശ്വാസത്തെ തകർക്കാതിരിക്കുന്നത് ദാമ്പത്യ ജീവിതം മനോഹരമാക്കും.
സംശയം- ദാമ്പത്യ ജീവിതത്തിൽ ദമ്പതികൾ പരസ്പരം സംശയിക്കുകയോ നുണ പറയുകയോ ചെയ്യരുത്. പരസ്പരം സംശയിക്കുന്നത് ഭാര്യാഭർതൃ ബന്ധം ഉലയാൻ കാരണമാകും. നുണ പറയുന്നതും ബന്ധം മോശമാകാൻ കാരണമാകും. പരസ്പര വിശ്വാസമാണ് ദാമ്പത്യ ജീവിതത്തിൻറെ അടിത്തറ.
