Empuraan Collection Report: വിവാദങ്ങൾക്കിടയിലും കുതിച്ച് എമ്പുരാൻ; മൂന്നുദിവസം കൊണ്ട് ഇന്ത്യയ്ക്ക് പുറത്തുനിന്ന് 85 കോടി
48 മണിക്കൂറിനകമാണ് എമ്പുരാന് 100 കോടി ക്ലബ്ബില് ഇടം പിടിച്ചത്
- സീ മലയാളം ന്യൂസ് ഡെസ്ക്
- Mar 31, 2025, 09:52 AM IST
വിവാദങ്ങള് കത്തിപ്പടരുമ്പോഴും ബോക്സ് ഓഫീസില് കുതിപ്പ് തുടര്ന്ന് മോഹന്ലാലിന്റെ എമ്പുരാന്
റിലീസ് ചെയ്ത് മൂന്നുദിവസം കൊണ്ട് ഇന്ത്യയ്ക്ക് പുറത്തുനിന്ന് ഒരുകോടി ഡോളറാണ് (ഏകദേശം 85 കോടി ഇന്ത്യന് രൂപ) ചിത്രം നേടിയത്. നടന് മോഹന്ലാലാണ് ഇക്കാര്യം സാമൂഹികമാധ്യമങ്ങളിലൂടെ അറിയിച്ചത്.
48 മണിക്കൂറിനകമാണ് എമ്പുരാന് 100 കോടി ക്ലബ്ബില് ഇടം പിടിച്ചത്. ആദ്യദിന കളക്ഷനിലും വമ്പന് റെക്കോര്ഡ് എമ്പുരാന് സ്വന്തമാക്കിയിരുന്നു. നേരത്തേ അഡ്വാന്സ് സെയില്സിലും എമ്പുരാന് ചരിത്രം സൃഷ്ടിച്ചിരുന്നു. 58 കോടി രൂപയിലേറെയാണ് അഡ്വാന്സ് ടിക്കറ്റ് സെയില്സിലൂടെ ചിത്രം നേടിയത്.
48 മണിക്കൂറിനുള്ളിൽ 100 കോടി നേടിയ ചിത്രം ഞായറാഴ്ച്ച മാത്രം നേടിയത് 8.20 കോടി രൂപയാണ്. ഓൺലൈനിലൂടെ മാത്രം 2 ലക്ഷം ടിക്കറ്റുകളാണ് വിറ്റഴിഞ്ഞത്.
വ്യാഴാഴ്ച റിലീസ് ചെയ്ത സിനിമയിലെ ചില രംഗങ്ങൾ വൻ രാഷ്ട്രീയ വിവാദങ്ങൾക്ക് വഴിതെളിച്ചിരുന്നു. എമ്പുരാൻ സിനിമയിലെ വിവാദമായ രംഗങ്ങൾ ഒഴിവാക്കി പുതിയ പതിപ്പ് അടുത്ത ആഴ്ച തിയറ്ററുകളിൽ എത്തുമെന്നാണ് റിപ്പോർട്ട്.
സിനിമയിലെ പതിനേഴിലധികം രംഗങ്ങൾ ഒഴിവാക്കുകയും ചില വാക്കുകൾ മ്യൂട്ട് ചെയ്യുകയും ചെയ്യും എന്നാണ് സൂചന. സിനിമയിലെ പ്രധാന വില്ലന്റെ പേരും മാറ്റേണ്ടി വരും. കലാപത്തിന്റ കൂടുതൽ ദൃശ്യങ്ങൾ, സ്ത്രീകൾക്കെതിരായ ആക്രമണ ദൃശ്യങ്ങൾ എന്നിവയിലും മാറ്റം വരും
