Gold Rate Today: സ്വർണവിലയിൽ ഇടിവ് തുടരുന്നു, ഒരാഴ്ചയ്ക്കിടെ കുറഞ്ഞത് 3000 രൂപ; ഉപഭോക്താക്കൾക്ക് ആശ്വാസം

സംസ്ഥാനത്ത് സ്വർണവിലയിൽ വീണ്ടും കുറവ്. ഇന്ന് ​ഗ്രാമിന് 15 രൂപയാണ് കുറഞ്ഞത്. ഇതോടെ ഒരു ​ഗ്രാം സ്വർണത്തിന് 8915 രൂപയായി.

ഒരു പവൻ സ്വർണത്തിന് 120 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന് കേരളത്തിൽ 71,320 രൂപയായി.

കേരളത്തിലെ പ്രധാന ന​ഗരങ്ങളായ കൊച്ചി, കോഴിക്കോട്, തിരുവനന്തപുരം എന്നിവിടങ്ങളിൽ ഇന്ന് ഒരു പവൻ സ്വർണത്തിന് 71,320 രൂപയിലാണ് വ്യാപാരം നടക്കുന്നത്.

ഒരാഴ്ചയ്ക്കിടെ സ്വ‍ർണവിലയിൽ 3000 രൂപയുടെ കുറവുണ്ടായി. ഈ മാസത്തെ ഏറ്റവും കുറഞ്ഞ നിരക്കിലാണ് ഇന്ന് സ്വർണവിപണിയിൽ വ്യാപാരം നടക്കുന്നത്.

കഴിഞ്ഞ ദിവസങ്ങളിലായി സ്വർണവില കുറഞ്ഞിരുന്നു. ജൂൺ 13ന് ആണ് ഈ മാസത്തെ ഏറ്റവും ഉയർന്ന വില രേഖപ്പെടുത്തിയത്.

സുരക്ഷിത നിക്ഷേപം എന്ന നിലയിൽ കൂടുതൽ ആളുകൾ സ്വർണം വാങ്ങാൻ ആരംഭിച്ചത് സ്വർണത്തിന്റെ ഡിമാൻഡ് ഉയർത്തിയിരുന്നു. പശ്ചിമേഷ്യയിലെ സംഘർഷ സാഹചര്യങ്ങൾ സ്വർണവിലയെ സ്വാധീനിച്ചിരുന്നു.

രാജ്യാന്തര വിപണിവില, ഡോളറിനെതിരായ രൂപയുടെ മൂല്യം, ഇറക്കുമതി തീരുവയെന്നിവയെല്ലാം സ്വർണവിലയെ സ്വാധീനിക്കും.