Gold Rate Today 02 June 2025: ഇന്നും കൂടിയോ? സ്വർണ്ണവിലയിൽ വീണ്ടും വർദ്ധനവ്

ഒരു പവൻ സ്വർണത്തിന് 240 രൂപ വർദ്ധിച്ചതോടെ ഇന്ന് 71,600 രൂപയാണ് വില. ഗ്രാമിന് 30 രൂപ വർധിച്ച് 8,950 രൂപയാണ് ഇന്ന് വിപണി നിരക്ക്.

ആഗോളവിപണിയിലെ ചാഞ്ചാട്ടങ്ങൾ സ്വർണവിലയെ സ്വാധീനിക്കും. ഡോളറിനെതിരായ രൂപയുടെ മൂല്യവും സ്വർണവിലയിൽ പ്രതിഫലിക്കുന്നുണ്ട്.

ഇന്നലെ സംസ്ഥാനത്ത് ഒരു പവൻ സ്വർണ്ണത്തിന് 71,360 രൂപയായിരുന്നു. ഗ്രാമിന് 8,920 രൂപയുമായിരുന്നു വിപണിനിരക്ക്. 

മെയ് മാസം 15 നാണ് സ്വർണവിലയിൽ ഏറ്റവും കുറവ് രേഖപ്പെടുത്തിയത്. 68,880 രൂപയായി കുറഞ്ഞ സ്വർണവില പിന്നീട് കുതിച്ചുയർന്നു. എന്നാൽ മെയ് 8ന് രേഖപ്പെടുത്തിയ 73,040 രൂപയാണ് കഴിഞ്ഞ മാസത്തെ ഏറ്റവും ഉയർന്ന നിരക്ക്.

ഓഹരി വിപണിയിലെ ചാഞ്ചാട്ടങ്ങള്‍ സ്വർണവിലയെ സ്വാധീനിച്ചു. സുരക്ഷിത നിക്ഷേപം എന്ന നിലയിൽ കൂടുതൽ ആളുകൾ സ്വർണം വാങ്ങി സൂക്ഷിക്കാൻ ആരംഭിച്ചതും സ്വർണവില വർധനയ്ക്ക് കാരണമായിട്ടുണ്ട്.