Gold Rate Today 03 June 2025: ഇതെങ്ങോട്ടാ പോക്ക്? ഈ മാസത്തെ ഏറ്റവും ഉയർന്ന നിരക്കിൽ സ്വർണ്ണവില

ഒരു പവൻ സ്വർണത്തിന് 160 രൂപ വർദ്ധിച്ചതോടെ ഇന്ന് 72,640 രൂപയാണ് വില. ഗ്രാമിന് 20 രൂപ വർധിച്ച് 9,080 രൂപയാണ് ഇന്ന് വിപണി നിരക്ക്.  

ഇന്നലെ സംസ്ഥാനത്ത് രാവിലെ പവന് 240 രൂപ കൂടി 71,600 രൂപയിലെത്തിയിരുന്നു. പിന്നീട് ഉച്ചയ്ക്ക് വീണ്ടും വർദ്ധനവ് രേഖപ്പെടുത്തി

ഉച്ചയോടെ 880 രൂപയാണ് ഒറ്റയടിക്ക് പവന് വർദ്ധിച്ചത്. ഇതോടെ 72,480 രൂപയായിരുന്നു. ഗ്രാമിന് 110 രൂപ കൂടി 9,060 രൂപയുമായി. ഇതിന് ശേഷം ഇന്ന് വീണ്ടും പവന് 160 രൂപ വർദ്ധിച്ചിരിക്കുകയാണ്. 

സ്വർണവിലയിൽ ഏറ്റവും കുറവ് രേഖപ്പെടുത്തിയത് മെയ് മാസം 15നാണ്. 68,880 രൂപയായി കുറഞ്ഞ സ്വർണവില പിന്നീട് കുതിച്ചുയർന്നു. എന്നാൽ കഴിഞ്ഞ മാസത്തെ ഏറ്റവും ഉയർന്ന നിരക്ക് മെയ് 8ന് രേഖപ്പെടുത്തിയ 73,040 രൂപയാണ്.  

ഓഹരി വിപണിയിലെ ചാഞ്ചാട്ടങ്ങള്‍ സ്വർണവിലയെ സ്വാധീനിക്കും. ഡോളറിനെതിരായ രൂപയുടെ മൂല്യവും സ്വർണവിലയിൽ പ്രതിഫലിക്കുന്നുണ്ട്.