Kerala Gold Price: പൊന്നും വിലയല്ല, പൊള്ളും വില..! റെക്കോർഡ് നിരക്കിലേക്ക് വീണ്ടും കുതിച്ച് സ്വർണ്ണം

ഏപ്രിൽ മാസത്തിൽ വിശ്വസിക്കാനാകാത്ത തരത്തിലാണ് സ്വർണ്ണവില രേഖപ്പെടുത്തിയത്. റെക്കോർഡുകൾ തിരുത്തികുറിച്ച് കുതിപ്പ് തുടരുകയാണ് സ്വർണ്ണം.

ഒരു ​ഗ്രാം സ്വർണത്തിന് 25 രൂപ വർദ്ധിച്ച് 8,945 രൂപയായി ഇന്ന് വിപണി നിരക്ക്. സർവകാല റെക്കോർഡിലാണ് ഇന്നത്തെ വില വർധനയോടെ സ്വർണവില എത്തിയിരിക്കുന്നത്.  

മൂന്ന് ദിവസം കൊണ്ട് 1800 രൂപയാണ് സ്വർണത്തിന് വർധിച്ചത്. കഴിഞ്ഞ ശനിയാഴ്ചയാണ് സംസ്ഥാനത്ത് സ്വർണവില ആദ്യമായി 70,000 കടന്നത്.

അന്താരാഷ്ട്ര സംഘർഷങ്ങളിലും, താരിഫ് തർക്കങ്ങളിലും അയവു വന്നിട്ടില്ല. ഇപ്പോഴത്തെ സാഹചര്യത്തിൽ സ്വർണ്ണവില കുറയാനുള്ള യാതൊരു കാരണവും കാണുന്നില്ല. 

അന്താരാഷ്ട്ര സ്വർണ്ണവില വർദ്ധിക്കുന്നത് അനുസരിച്ചാണ് കേരളത്തിലെ സ്വർണ്ണവിലയും കൂടുന്നത്. ചരിത്രത്തിലെ ഏറ്റവും ഉയര്‍ന്ന നിരക്കാണ് ഇന്ന് രേഖപ്പെടുത്തിയത്.