Gold Rate Today: വീണ്ടും ഉയ‍ർന്ന് സ്വർണവില; പവന് വ‍ർധിച്ചത് 400 രൂപ, ഇന്ന് ഒരു പവൻ സ്വ‍ർണത്തിന് ഇത്ര

ആഗോളവിപണിയിലെ ചാഞ്ചാട്ടങ്ങൾ സ്വർണവിലയെ സ്വാധീനിക്കാറുണ്ട്. ഡോളറിനെതിരായ രൂപയുടെ മൂല്യവും സ്വർണവിലയിൽ പ്രതിഫലിക്കുന്നു.

ഇന്നലെ സംസ്ഥാനത്ത് സ്വർണവില കുറഞ്ഞിരുന്നു. ഇന്ന് വീണ്ടും സ്വർണത്തിന് വില വർധിച്ചിരിക്കുകയാണ്. ഗ്രാമിനും പവനും എത്ര രൂപയാണ് വർധിച്ചതെന്നും ഇന്ന് ഒരു പവൻ സ്വർണത്തിന് എത്രയാണെന്നും അറിയാം.

ഇന്നലെ സംസ്ഥാനത്ത് സ്വർണവില കുറഞ്ഞിരുന്നു. ഇതോടെ പവന് 72,000 രൂപ കടക്കുമെന്ന് കരുതിയ സ്വർണവിലയിൽ കുറവ് വന്നു. എന്നാൽ ഇന്ന് വീണ്ടും വില വർധിച്ചു.

സംസ്ഥാനത്ത് ഇന്ന് പവന് 400 രൂപയാണ് സ്വർണത്തിന് വർധിച്ചത്. ഒരു പവൻ സ്വർണത്തിന് ഇന്ന് 71,920 രൂപയാണ് തിരുവനന്തപുരം, കോഴിക്കോട്, കൊച്ചി എന്നീ പ്രധാന നഗരങ്ങളിലെ വില. ഗ്രമിന് 50 രൂപ വർധിച്ച് 8990 രൂപയാണ് ഇന്ന്.

മെയ് മാസത്തിൽ സ്വർണവില ഏറ്റവും കുറവ് രേഖപ്പെടുത്തിയത് 15ന് ആണ്. 68,880 രൂപയായി കുറഞ്ഞ സ്വർണവില പിന്നീട് കുതിച്ചുയർന്നു. 1560 രൂപ കുറഞ്ഞതോടെയാണ് കുറേ നാളുകൾക്ക് ശേഷം സ്വർണവില 70,000ൽ താഴെ പോയത്.

ഓഹരി വിപണിയിലെ ചാഞ്ചാട്ടങ്ങളാണ് സ്വർണവിലയെ സ്വാധീനിച്ചത്. സുരക്ഷിത നിക്ഷേപം എന്ന നിലയിൽ കൂടുതൽ ആളുകൾ സ്വർണം വാങ്ങി സൂക്ഷിക്കാൻ ആരംഭിച്ചതും സ്വർണവില വർധനയ്ക്ക് കാരണമായി.