Health Tips: കേരളം ചുട്ടുപൊള്ളുന്നു; സൂര്യാഘാത സാധ്യത തടയാന് ഇക്കാര്യങ്ങള് ശ്രദ്ധിക്കൂ
മതിയായ മുൻകരുതൽ സ്വീകരിച്ചില്ലെങ്കിൽ വെയിൽ കൊള്ളുമ്പോൾ സൂര്യാഘാതം ഏൽക്കുവാനുള്ള സാധ്യത കൂടാം
- സീ മലയാളം ന്യൂസ് ഡെസ്ക്
- Mar 30, 2025, 02:03 PM IST
കേരളത്തിൽ ദിനംപ്രതി ചൂട് കൂടുകയാണ്. സൂര്യാഘാതം ഏറ്റെന്ന വാർത്തയും റിപ്പോർട്ട് ചെയ്യുന്നുണ്ട്. ഈ സമയത്ത് എടുക്കേണ്ട മുൻകരുതൽ എന്തെല്ലാമെന്ന് നോക്കാം
ദാഹം തോന്നിയില്ലെങ്കിൽ പോലും ധാരാളം വെള്ളം കുടിക്കുക. നിര്ജലീകരണവും ക്ഷീണവും ഒഴിവാക്കാന് ദിവസവും രണ്ടു-മൂന്നു ലീറ്റര് വെള്ളമെങ്കിലും കുടിക്കണം.
വെയിലത്ത് ജോലി ചെയ്യേണ്ടി വരുന്ന അവസരങ്ങളിൽ ഉച്ചയ്ക്ക് 12 മണി മുതൽ 3 മണിവരെയുള്ള സമയം വിശ്രമവേളയായി പരിഗണിച്ച് ജോലി സമയം ക്രമീകരിക്കുക.
കാറ്റ് കടന്ന് ചൂട് പുറത്ത് പോകത്തക്ക രീതിയിൽ വീടിന്റെ വാതിലുകളും ജനലുകളും തുറന്നിടുക.
കട്ടി കുറഞ്ഞതും വെളുത്തതോ, ഇളം നിറത്തിലുള്ളതോ ആയ അയഞ്ഞ വസ്ത്രങ്ങൾ ധരിക്കുക. നൈലോണ്, പോളിസ്റ്റര് വസ്ത്രങ്ങള് ഒഴിവാക്കുക, അയഞ്ഞ കോട്ടണ് വസ്ത്രങ്ങളാണ് നല്ലത്.
ചായ, കാപ്പി തുടങ്ങിയവ കുറയ്ക്കുക. കൃത്രിമ ശീതളപാനീയങ്ങള്, ബിയര്, മദ്യം എന്നിവ ഒഴിവാക്കണം. പഴങ്ങള്, പച്ചക്കറികള് തുടങ്ങിയവ കഴിക്കുക.
