Natural Hair Dye: മുടി കറുപ്പിക്കാൻ ഇനി എന്ത് എളുപ്പം; വീട്ടിലുള്ള ഈ സാധനങ്ങൾ മതി

കടകളിൽ ധാരാളം ഹെയർ ഡൈ ലഭ്യമാണെങ്കിലും അവ മുടിയിഴകൾക്ക് ദോഷം ചെയ്യും. ഇവയിലെ കെമിക്കൽ തന്നെയാണ് അതിന് കാരണം. അതുകൊണ്ട് വളരെ നാച്ചുറലായ ഒരു ഹെയർ ഡൈ കുറിച്ച് അറിയാം...

കറ്റാർവാഴ, കാപ്പിപ്പൊടി, കറുവാപ്പട്ട പൊടിച്ചത്, മഞ്ഞൾപൊടി, വെളിച്ചെണ്ണ എന്നിവയാണ് ഈ ഹോം മെയ്ഡ് ഹെയർ ഡൈ തയാറാക്കാൻ ആവശ്യമായ ചേരുവകകൾ.

ഒരു ബൗളിൽ കറ്റാർവാഴ ജെൽ എടുത്ത ശേഷം അതിലേയ്ക്ക് കാപ്പിപ്പൊടിയും, കറുവാപ്പട്ട പൊടിച്ചതും, അൽപം മഞ്ഞൾപ്പൊടിയും വെളിച്ചെണ്ണയും ചേർത്തിളക്കി യോജിപ്പിക്കണം. തുടർന്ന് എണ്ണമയമില്ലാത്ത മുടിയിഴകളിൽ ഈ മിശ്രിതം 30 മിനിറ്റ് നേരം പുരട്ടിയിരിക്കണം. ശേഷം തണുത്ത വെള്ളത്തിൽ തല കഴുകണം. ആഴ്ചയിൽ ഒരിക്കൽ ഈ മിശ്രിതം തയാറാക്കി ഉപയോഗിക്കാം. കഴുകി കളയുമ്പോൾ ഷാമ്പൂ ഉപയോഗിക്കരുത്. പകരം ചെറുചൂടുള്ള വെള്ളമോ തണുത്ത വെള്ളമോ ഉപയോഗിച്ച് വേണം കഴുകി കളയാൻ.

തലമുടിയുടെ ആരോഗ്യം മെച്ചപ്പെടുത്താൻ സഹായിക്കുന്ന ഒന്നാണ് കറ്റാർവാഴ. ഇതിൽ മഞ്ഞൾപ്പൊടിയും, കറുവാപ്പട്ടയും കൂടി ചേരുമ്പോൾ മുടിയിഴകളുടെ നിറം വർധിക്കുകയും ചെയ്യും.

(Disclaimer: ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക)