Family Pension Rules: കേന്ദ്രം വരുത്തിയ ഈ മാറ്റം അറിഞ്ഞോ? കുടുംബ പെൻഷൻ തുടർന്നും ലഭിക്കണമെങ്കിൽ ഇനി ഇത് നിർബന്ധം

1 /6

പെൻഷൻ ആൻഡ് പെൻഷണേഴ്‌സ് വെൽഫെയർ വകുപ്പ് (DoPPW) പുറപ്പെടുവിച്ച ഏറ്റവും പുതിയ മാർഗ്ഗനിർദ്ദേശ പ്രകാരം, ഭാര്യയോ കുട്ടികളോ ഇല്ലാത്ത ഒരു സർക്കാർ ജീവനക്കാരൻ മരണപ്പെട്ടാൽ, ആ വ്യക്തിയുടെ മാതാപിതാക്കൾക്ക് ആശ്രിത കുടുംബ പെൻഷൻ അനുവദിക്കും.   

2 /6

മരണമടഞ്ഞ സർക്കാർ ജീവനക്കാരന്റെ മാതാപിതാക്കൾക്ക് തുടർന്നും കുടുംബ പെൻഷൻ ലഭിക്കണമെങ്കിൽ ഇരുവരുടെയും ലൈഫ് സർട്ടിഫിക്കറ്റ് സമർപ്പിക്കണം എന്ന നിയമമാണ് ഇപ്പോൾ നിർബന്ധമാക്കിയിരിക്കുന്നത്.   

3 /6

ജീവനക്കാരന്റെ അവസാന ശമ്പളത്തിന്റെ 75 ശതമാനം വരെയാണ് ഈ പെൻഷൻ ലഭിക്കും. മാതാപിതാക്കൾ ഇരുവരും ജീവിച്ചിരിപ്പുണ്ടെങ്കിൽ മാത്രമെ ഈ നിരക്കിൽ ലഭിക്കുകയുള്ളൂ. മാതാപിതാക്കളിൽ ഒരാൾ മാത്രമാണ് ജീവിച്ചിരിക്കുന്നതെങ്കിൽ പെൻഷൻ നിരക്ക് 60 ശതമാനമായി കുറയും.  

4 /6

നിലവിലുള്ള നിയമങ്ങളിൽ, മാതാപിതാക്കൾ രണ്ട് പേരും  ലൈഫ് സർട്ടിഫിക്കറ്റുകൾ സമർപ്പിക്കണമെന്ന വ്യക്തമായ നിബന്ധനയുണ്ടായിരുന്നില്ല. അത്തരത്തിലൊരു നിയമം ഇല്ലാതിരുന്നതിനാൽ തന്നെ അവരിൽ ഒരാൾ മരിച്ചാലും, 75 ശതമാനം പെൻഷൻ തുടരുന്നതായി സർക്കാരിന്റെ ശ്രദ്ധയിൽപ്പെട്ടിരുന്നു. ഈ പ്രശ്നം ഒഴിവാക്കുന്നതിനാണ് പുതിയ ഭേദഗതികൾ കൊണ്ടുവന്നത്.    

5 /6

ഇനി മുതൽ, മാതാപിതാക്കൾ രണ്ടുപേരും ജീവിച്ചിരിക്കുന്നിടത്തോളം, അവർ എല്ലാ വർഷവും ലൈഫ് സർട്ടിഫിക്കറ്റ് സമർപ്പിക്കണം. എല്ലാ വർഷവും നവംബറിലാണ് സർട്ടിഫിക്കറ്റ് സമർപ്പിക്കേണ്ടത്. ലൈഫ് സർട്ടിഫിക്കറ്റ് സമർപ്പിക്കാൻ കഴിയാതെ പോയാൽ കുടുംബ പെൻഷൻ പേയ്‌മെന്റുകൾ നിർത്തുകയോ കുറയ്ക്കുകയോ ചെയ്‌തേക്കും.   

6 /6

രാജ്യത്തുടനീളമുള്ള എല്ലാ കേന്ദ്ര സർക്കാർ ജീവനക്കാരുടെയും കുടുംബങ്ങൾക്ക് ഈ മാറ്റങ്ങൾ ബാധകമാണ്. ഈ പുതിയ നിയമം പെൻഷൻ സംവിധാനത്തിൽ സുതാര്യത വർധിപ്പിക്കും. പെൻഷൻ വാങ്ങുന്ന മാതാപിതാക്കൾക്ക് അവരുടെ ഉപജീവന രേഖകൾ കൃത്യസമയത്ത് സമർപ്പിച്ചാൽ ഒരു ബുദ്ധിമുട്ടും കൂടാതെ പ്രതിമാസ പെൻഷൻ ലഭിക്കുന്നതായിരിക്കും.