Kerala Gold Price Today: കഴിഞ്ഞ കുറച്ച് ദിവസങ്ങളില് സ്വർണവിലയില് ഉണ്ടായിക്കൊണ്ടിരിക്കുന്ന മാറ്റം പ്രതീക്ഷ നൽകുന്നതാണ്.
Gold Rate Today: സംസ്ഥാനത്ത് തുടർച്ചയായ രണ്ടാം ദിവസവും സ്വർണവിലയിൽ ഇടിവ്. ഇന്നലെ സ്വർണവിലയിൽ 1640 രൂപ കുറഞ്ഞ് 70,200 രൂപയിലെത്തിയിരുന്നു. ഇന്ന് വീണ്ടും സ്വർണവിലയിൽ കുറവ് വന്നിരിക്കുകയാണ്.
ഇന്ന് 160 രൂപയാണ് ഒരു പവൻ സ്വർണത്തിന് വില കുറഞ്ഞത്. ഇതോടെ സംസ്ഥാനത്തെ സ്വർണവില 70,040 രൂപയിലെത്തി നിൽക്കുകയാണ്. 20 രൂപയാണ് ഗ്രാമിന് കുറഞ്ഞത്. ഒരു ഗ്രാം സ്വർണത്തിന് 8,755 രൂപയാണ് ഇന്നത്തെ വിപണിവില.
മെയ് മാസം തുടങ്ങിയത് തന്നെ വിലകുറവിലാണ്. ഇത് ഉപഭോക്താക്കൾക്ക് പ്രതീക്ഷ നൽകുന്നതാണ്.
ഏപ്രിൽ 22ന് റെക്കോർഡ് വർധനവായിരുന്നു സ്വർണവിലയിൽ രേഖപ്പെടുത്തിയത്. 74,320 രൂപയായിരുന്നു അന്ന് ഒരു പവൻ സ്വർണത്തിന്റെ വില.
ഏപ്രിൽ 8നാണ് ആ മാസത്തെ ഏറ്റവും കുറഞ്ഞ നിരക്ക് രേഖപ്പെടുത്തിയത്. 65,800 രൂപയായിരുന്നു അന്നത്തെ വിപണി വില.
അന്താരാഷ്ട്ര സ്വർണ്ണവില വർധിക്കുന്നത് അനുസരിച്ചാണ് കേരളത്തിലെ സ്വർണ്ണവിലയും കൂടുന്നത്. ലോകത്തിലെ തന്നെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. രാജ്യത്ത് ഓരോ വർഷം ടൺ കണക്കിന് സ്വർണമാണ് ഇറക്കുമതി ചെയ്യുന്നത്. അതുകൊണ്ട് തന്നെ ആഗോളവിപണിയിലുണ്ടായ ചെറിയ ചലനങ്ങൾ പോലും ഇന്ത്യയിലെ സ്വർണവിലയെ ബാധിക്കും.