Kerala Gold Rate Today: റെക്കോർഡ് വർധന, തൊട്ടാൽ പൊള്ളും സ്വർണവില.! കുതിച്ചുയർന്ന് സർവകാല റെക്കോർഡിൽ..

ഇന്ന് ഒരു പവൻ സ്വർണത്തിന് 2,200 രൂപയാണ് വർധിച്ചിരിക്കുന്നത്. ഇതോടെ സർവകാല റെക്കോർഡായ 74,320 രൂപയിലെത്തിയിരിക്കുകയാണ് സ്വർണവില. 

ഒരു ​ഗ്രാം സ്വർണത്തിന് 275 രൂപയാണ് ഉയർന്നിരിക്കുന്നത്. 9,290 രൂപയിലാണ് ഇന്ന് ഒരു ​ഗ്രാം സ്വർണത്തിന്റെ വ്യാപാരം നടക്കുന്നത്. 

ഏപ്രിൽ മാസത്തിൽ വലിയ വർധനവാണ് സ്വർണവിലയിൽ ഉണ്ടായിരിക്കുന്നത്. ഇടയ്ക്ക് ഒന്ന് കുറഞ്ഞുവെങ്കിലും ഇപ്പോൾ വീണ്ടും സർവകാല റെക്കോർഡിൽ വ്യാപാരം തുടരുകയാണ്. 

ഏപ്രിൽ 8നാണ് ഈ മാസത്തെ ഏറ്റവും കുറഞ്ഞ നിരക്ക് രേഖപ്പെടുത്തിയിരുന്നത്. 65,800 രൂപയായിരുന്നു അന്നത്തെ വിപണി വില. 

അന്താരാഷ്ട്ര സ്വർണ്ണവില വർധിക്കുന്നത് അനുസരിച്ചാണ് കേരളത്തിലെ സ്വർണ്ണവിലയും കൂടുന്നത്. ചരിത്രത്തിലെ ഏറ്റവും ഉയര്‍ന്ന നിരക്കിലാണ് ഇപ്പോൾ വ്യാപാരം നടക്കുന്നത്.