Kids Sick Reasons: കുട്ടിക്ക് അടിക്കടി അസുഖം വരാറുണ്ടോ? ഇക്കാര്യങ്ങൾ ശ്രദ്ധിക്കാം

ഭക്ഷണം കഴിക്കുന്നതിന് മുമ്പ് കൈ കഴുകാതിരിക്കുന്നത് അണുബാധയ്ക്കുള്ള സാധ്യത വർധിപ്പിക്കും. 

പ്രഭാത ഭക്ഷണം ഒഴിവാക്കുന്നത് ശരീരത്തിന്റെ പ്രതിരോധ സംവിധാനത്തെ ബാധിക്കുകയും ഇത് കുട്ടികളിൽ അണുബാധയ്ക്ക് കാരണമാകുകയും ചെയ്യും.

കാലാവസ്ഥയ്ക്ക് അനുയോജ്യമായ വസ്ത്രം ധരിക്കാതിരുന്നാലും അസുഖങ്ങൾ പിടിപ്പെടാം. അനാവശ്യമായി ആന്റിബയോട്ടിക്കുകൾ നൽകുന്നത് കുട്ടികളുടെ രോഗപ്രതിരോധ സംവിധാനത്തെ ബാധിച്ചേക്കാം.

പതിവായി വേണ്ടത്ര ഉറക്കം ലഭിക്കാത്തത് കുട്ടികളെ രോ​ഗികളാക്കും.

ശുദ്ധവായു, സൂര്യപ്രകാശം, ഫിസിക്കൽ ആക്ടിവിറ്റീസ് എന്നിവ അത്യാവശ്യമാണ്. ഇവ സ്വാഭാവിക ആരോഗ്യം വർദ്ധിപ്പിക്കുന്നു. മുഴുവൻ സമയവും വീടിനുള്ളിൽ അടച്ചിട്ടിരിക്കുന്ന കുട്ടികൾക്ക് അസുഖങ്ങൾ വരാൻ സാധ്യതയുണ്ട്. 

ചിപ്‌സ്, ലഘുഭക്ഷണങ്ങൾ, മധുരപലഹാരങ്ങൾ, ശീതളപാനീയങ്ങൾ എന്നിവയുടെ പതിവ് ഉപഭോഗം കുട്ടികളുടെ പ്രതിരോധശേഷിയെ ബാധിക്കും. ഇത് കുടലിന്റെ ആരോഗ്യത്തെ ബാധിക്കാനും സാധ്യതയുണ്ട്.