Vishal 35: വിശാൽ നായകനാകുന്ന പുതിയ ചിത്രം 'വിശാൽ 35'ന് തുടക്കം; നായിക തുഷാര

ആർ.ബി. ചൗധരിയുടെ നിർമ്മാണ കമ്പനിയായ 'സൂപ്പർ ഗുഡ് ഫിലിംസ്' നിർമ്മിക്കുന്ന 99ാമത്തെ സിനിമയാണിത്. രവി അരസാണ് രചനയും സംവിധാനവും. 

ഇതുവരെ പേരിട്ടിട്ടില്ലാത്ത ചിത്രത്തിന് താൽക്കാലികമായി ഇട്ടിരിക്കുന്ന പേരാണ് വിശാൽ 35. ചലച്ചിത്ര രംഗത്തെ പ്രമുഖരുടെ സാന്നിധ്യത്തിൽ നടൻ കാർത്തിയാണ് ക്ലാപ്പടിച്ച് തുടക്കം കുറിച്ചത്.

സംവിധായകൻ വെട്രിമാരൻ, നടന്മാരായ ജീവ, തമ്പി രാമയ്യ, ആർജൈ, നായിക തുഷാരാ വിജയൻ എന്നിവരും ചടങ്ങിൽ പങ്കെടുത്തു.

ആദ്യഘട്ട ചിത്രീകരണം നടക്കുക 45 ദിവസമാണ്. ചിത്രീകരണം ഉടൻ ചെന്നൈയിൽ ആരംഭിക്കും. ചിത്രത്തെ കുറിച്ചോ മറ്റ് അഭിനേതാക്കളെ കുറിച്ചോ ഒന്നും ഇതുവരെ വെളിപ്പെടുത്തിയിട്ടില്ല. 

ജി. വി. പ്രകാശ് കുമാറാണ് ചിത്രത്തിന്റെ സംഗീത സംവിധായകൻ. റിച്ചാർഡ് എം നാഥൻ ഛായാഗ്രഹണം നിർവഹിക്കുന്നു.