 "IPL 2025 RCB vs CSK: ത്രില്ലിംഗ് ജയവുമായി ബെംഗളൂരു വീണ്ടും ഒന്നാം സ്ഥാനത്ത്; ചെന്നൈയ്ക്കെതിരെ രണ്ട് റൺസിൻ്റെ ജയം")
)
ബെംഗളൂരു: ഐപിഎല്ലിൽ ചെന്നൈ സൂപ്പർ കിങ്സിനെതിരെ റോയൽ ചലഞ്ചേഴ്സ് ബെംഗളൂരുവിന് അവിസ്മരണീയ ജയം. അവസാന പന്ത് വരെ ആവേശം നീണ്ടുനിന്ന മത്സരത്തിൽ ബെംഗളൂരു രണ്ട് റൺസിൻ്റെ തകർപ്പൻ ജയമാണ് നേടിയത്. ബെംഗളൂരു ഉയർത്തിയ 214 റൺസിൻ്റെ വിജയലക്ഷ്യവുമായി ബാറ്റിങ്ങിനിറങ്ങിയ ചെന്നൈക്ക് അഞ്ച് വിക്കറ്റ് നഷ്ടത്തിൽ 211 റൺസെടുക്കാനെ കഴിഞ്ഞുള്ളു. അവസാന ഓവറിൽ 15 റൺസ് ജയിക്കാൻ വേണ്ടിയിരുന്ന ചെന്നൈക്ക് 12 റൺസ് മാത്രമാണ് എടുക്കാനായത്. 14 പന്തിൽ അർധ സെഞ്ച്വറി നേടിയ ബെംഗളൂരു താരം റോമേരിയോ ഷെപ്പേർടാണ് കളിയിലെ താരം.
പവർപ്ലേയിൽ മികച്ച തുടക്കമാണ് ചെന്നൈ സൂപ്പർ കിങ്സിന് ലഭിച്ചത്. 48 പന്തിൽ നിന്ന് 94 റൺസ് നേടിയ 17കാരനായ ഓപ്പണർ ആയുഷ് മഹ്ത്രെയാണ് ചെന്നൈയുടെ ടോപ് സ്കോറർ. മറ്റൊരു ഓപ്പണർ ഷെയ്ക് റഷീദിനോടൊപ്പം ആയുഷ് ചേർന്ന് 4.1 ഓവറിൽ ടീം സ്കോർ 50 കടത്തി. എന്നാൽ ആ ഓവറിൽ തന്നെ 14 റൺസെടുത്ത ഷെയ്ക് റഷീദിനെ ക്രുനാൽ പാണ്ഡ്യ പുറത്താക്കി. പിന്നീട് ക്രീസിലെത്തിയ സാം കറനെ (5) തോട്ടടുത്ത ഓവറിൽ ചെന്നൈക്ക് നഷ്ടമായി. മൂന്നാം വിക്കറ്റിൽ ആയുഷ് മഹ്ത്രെയ്ക്കൊപ്പം രവീന്ദ്ര ജഡേജ കൂടി ചേർന്നതോടെ ചെന്നൈക്ക് വിജയപ്രതീക്ഷ ലഭിച്ചു. 114 റൺസാണ് ഇരുവരും ചേർന്ന് നേടിയത്. എന്നാൽ 17ാം ഓവറിൽ മികച്ച പ്രകടനം പുറത്തെടുത്ത ആയുഷ് മഹ്ത്രെയെ എൻഗിഡി പുറത്താക്കി നിർണായക ബ്രേക്ക്ത്രൂ നൽകി. തോട്ടടുത്ത പന്തിൽ ഡെവാൾഡ് ബ്രെവിസിനെയും പുറത്താക്കിയതോടെ ബെംഗളൂരുവിന് വീണ്ടും വിജയപ്രതീക്ഷ ലഭിച്ചു. ശേഷം ധോണി ക്രീസിലെത്തിയപ്പോൾ ചെന്നൈക്ക് ജയിക്കാൻ മൂന്ന് ഓവറിൽ 35 റൺസായിരുന്നു വേണ്ടിയിരുന്നത്. ധോണി - ജഡേജ സഖ്യം രണ്ട് ഓവറിൽ 20 റൺസ് നേടിയതോടെ അവസാന ഓവറിൽ 15 റൺസാണ് ജയിക്കാൻ വേണ്ടിയിരുന്നത്. യഷ് ദയാൽ അറിഞ്ഞ അവസാന ഓവറിൻ്റെ മൂന്നാം പന്തിൽ തന്നെ ധോണിയെ (12) പുറത്താക്കി മത്സരം ബെംഗളൂരുവിന് അനുകൂലമായി. അവസാന പന്തിൽ നാല് റൺസ് ജയിക്കാൻ വേണ്ടിയിരുന്നെങ്കിലും ശിവം ദൂബെയ്ക്ക് അത് നേടാനായില്ല.
ടോസ് നഷ്ടപ്പെട്ട് ആദ്യം ബാറ്റ് ചെയ്ത റോയൽ ചലഞ്ചേഴ്സ് ബെംഗളൂരു ചിന്നസ്വാമി സ്റ്റേഡിയത്തിൽ സിക്സർ പെരുമഴയാണ് സമ്മാനിച്ചത്. 20 ഓവറിൽ ബെംഗളൂരു അഞ്ച് വിക്കറ്റ് നഷ്ടത്തിൽ 213 റൺസ് നേടി. 62 റൺസ് നേടിയ വിരാട് കോഹ്ലിയാണ് ബെംഗളൂരുവിന്റെ ടോപ് സ്കോറർ. 33 പന്തിൽ 55 റൺസ് നേടിയ ജേക്കബ് ബെതേലും മികച്ച പ്രകടനമാണ് കാഴ്ചവച്ചത്. ദേവ്ദത്ത് പടിക്കലിനും (17) ജിതേഷ് ശർമ്മയ്ക്കും (7) നായകൻ രജിത് പാട്ടീദാറിനും (11) മികച്ച പ്രകടനം പുറത്തെടുക്കാനായില്ല. 18 ഓവറുകൾ പൂർത്തിയായപ്പോൾ ആർസിബി അഞ്ചിന് 159 റൺസ് എന്ന നിലയിലായിരുന്നു. ഖലീൽ അഹമ്മദ് എറിഞ്ഞ 19ാം ഓവറിൽ റോമാരിയോ ഷേപ്പേർഡ് നടത്തിയ വെടിക്കെട്ടാണ് ആർസിബി കൂറ്റൻ സ്കോറിലേക്ക് എത്തിച്ചത്. ഈ ഓവറിൽ 33 റൺസാണ് ഷെപ്പേർഡ് അടിച്ചുകൂട്ടിയത്. 14 പന്തിൽ നിന്നാണ് ഷേപ്പേർഡ് അർധ സെഞ്ച്വറി നേടിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേ
