IPL 2025: മലയാളി താരം വിഘ്നേഷ് പുത്തൂരിനെ പ്രശംസിച്ച് ധോണി, Video കാണാം
Who Is Vighnesh Puthur: മത്സരത്തില് നാല് ഓവറില് 32 റണ്സ് വിട്ടുകൊടുത്ത് വിഘ്നേഷ് മൂന്ന് വിക്കറ്റുകളാണ് നേടിയത്
About the Author
Trending
- News
- Photos
- Videos
Who Is Vighnesh Puthur: മത്സരത്തില് നാല് ഓവറില് 32 റണ്സ് വിട്ടുകൊടുത്ത് വിഘ്നേഷ് മൂന്ന് വിക്കറ്റുകളാണ് നേടിയത്
മുംബൈ ഇന്ത്യൻസിന്റെ മലയാളി സ്പിന്നർ വിഘ്നേഷ് പുത്തൂരിനെ അഭിനന്ദിച്ച് എംഎസ് ധോണി. ചെന്നൈ സൂപ്പർ കിംഗ്സിനെതിരെ ഇന്നലെ നടന്ന മത്സരത്തിൽ അവിസ്മരണീയമായ അരങ്ങേറ്റമാണ് വിഘ്നേഷ് പുത്തൂർ കുറിച്ചത്.
ആദ്യ ഓവറിൽ തകർപ്പൻ ഫോമിലായിരുന്നു സിഎസ്കെ നായകൻ ഋതുരാജ് ഗെയ്ക്വാദിന്റെ വിക്കറ്റാണ് വിഘ്നേഷ് പുത്തൂർ വീഴ്ത്തിയത്. തൊട്ടടുത്ത ഓവറിൽ ശിവം ദുനെയും അതിന്റെ അടുത്ത ഓവറിൽ ദീപക് ഹൂഡയുടെയും വിക്കറ്റാണ് വിഘ്നേഷ് തെറിപ്പിച്ചത്. രോഹിത് ശര്മ്മയ്ക്ക് പകരം ഇംപാക്ട് പ്ലെയറായാണ് ഇടംകൈയൻ സ്പിന്നർ വിഘ്നേഷ് ടീമിലെത്തുന്നത്. കളി വിജയിച്ചത് ചെന്നൈ സൂപ്പർ കിംസ് ആണെങ്കിലും ഇതിഹാസ ക്രിക്കറ്റ് താരമായ ധോണി വിഘ്നേഷിന്റെ ചുമലിൽ തട്ടി അഭിനന്ദിക്കുന്ന വിഡിയോയാണ് നിലവിലെ സംസാര വിഷയം. വീഡിയോ കാണാം...
The men in take home the honours!
— IndianPremierLeague (@IPL) March 23, 2025
A classic clash in Chennai ends in the favour of #CSK
Scorecard https://t.co/QlMj4G7kV0#TATAIPL | #CSKvMI | @ChennaiIPL pic.twitter.com/ZGPkkmsRHe
മുംബൈയും ചെന്നൈ സൂപ്പർ കിംഗ്സും തമ്മിലുള്ള പതിവ് ഹസ്തദാനത്തിന് ശേഷം ധോണി ബൗണ്ടറി റോപ്പിന് സമീപം നിൽക്കുകയായിരുന്ന വിഘ്നേഷിൻ്റെ അടുത്തേക്ക് ചെന്ന് സംസാരിച്ചപ്പോൾ വിഘ്നേഷ് ശരിക്കും ഞെട്ടിപ്പോയി. തുടർന്നാണ് ധോണി അദ്ദേഹത്തിൻ്റെ തോളിൽ തട്ടി അഭിനന്ദിച്ചത്. ഹൃദയ സ്പർശിയായ ഈ വീഡിയോ ഐപിഎൽ ആണ് പങ്കിട്ടത്.
മലപ്പുറം സ്വദേശിയായ വിഘ്നേഷിൻറെ അച്ഛൻ സുനിൽ കുമാർ ഒരു ഓട്ടോറിക്ഷാ ഡ്രൈവറാണ്, അമ്മ കെ പി ബിന്ദു വീട്ടമ്മയാണ്. സാമ്പത്തിക ബുദ്ധിമുട്ടുകൾക്കിടയിലും കുടുംബം വിഘ്നേഷിന്റെ ക്രിക്കറ്റ് യാത്രയിൽ കൂടെ നിന്നു. ക്രിക്കറ്റ് സ്വപ്നങ്ങൾ തേടി വിഘ്നേഷ് മലപ്പുറത്തു നിന്നും തൃശൂരിലേക്ക് താമസം മാറി. കോളേജ് തല ക്രിക്കറ്റിൽ മീഡിയം പേസറായി തുടക്കം കുറിച്ച അദ്ദേഹം പിന്നീട് കരിയറിൽ സ്പിൻ ബൗളിംഗിലേക്ക് മാറുകയായിരുന്നു. കേരള ക്രിക്കറ്റ് ലീഗിൽ കളിച്ചപ്പോഴാണ് മുംബൈ ഇന്ത്യൻസ് വിഘ്നേഷിന്റെ കഴിവ് തിരിച്ചറിഞ്ഞതും 2025 ലെ ഐപിഎൽ ലേലത്തിൽ 30 ലക്ഷം രൂപയ്ക്ക് സ്വന്തമാക്കിയതും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)