Virat Kohli Test centuries: ഓസ്ട്രേലിയയ്ക്കെതിരെ ആയിരുന്നു വിരാട് കോലിയുടെ ആദ്യ സെഞ്ചുറി, അവസാന ടെസ്റ്റ് സെഞ്ചുറിയും ഓസ്ട്രേലിയയ്ക്കെതിരെ തന്നെ.
സച്ചിന് ടെണ്ടുല്ക്കറിന് ശേഷം ഇന്ത്യന് ക്രിക്കറ്റിനെ അക്ഷരാര്ത്ഥില് ചുമലിലേറ്റിയ താരമായിരുന്നു വിരാട് കോലി. സച്ചിന്റെ ക്ലാസ്സും ലെഗസിയും ഒരുപക്ഷേ, ഇതുപോലെ പിന്പറ്റിയ ഒരുതാരവും വേറെ ഉണ്ടാവില്ല. 200 ടെസ്റ്റുകളില് നിന്ന് സച്ചിന് ടെണ്ടുല്ക്കര് 51 സെഞ്ചുറികളുടെ അകമ്പടിയോടെ 15,921 റണ്സ് നേടിയപ്പോള്, വെറും 123 ടെസ്റ്റുകളില് നിന്നാണ് 30 സെഞ്ചുറികളുടെ അകമ്പടിയോടെ 9230 റണ്സ് സ്വന്തമാക്കിയത്.
എണ്ണം പറഞ്ഞ 30 സെഞ്ചുറികള് തന്നെയായിരുന്നു കോലിയുടെ ടെസ്റ്റ് ക്രിക്കറ്റ് അക്കൗണ്ടിലുള്ളത്. 2011 ജൂണ് 20 ന് കിങ്സ്റ്റണില് വെസ്റ്റ് ഇന്ഡീസിനെതിരെ അരങ്ങേറിയതുമുതല് കോലി ഇന്ത്യന് ടീമിന്റെ നെടുന്തൂണായി മാറി.
ഓസ്ട്രേലിയയ്ക്കെതിരെ ആയിരുന്നു വിരാട് കോലിയുടെ ആദ്യ ടെസ്റ്റ് സെഞ്ചുറി. അതും ഓസ്ട്രേലിയന് മണ്ണില്. 2012, ജനുവരി 24 ന് വിഖ്യാതമായ അഡ്ലെയ്ഡ് ഓവല് സ്റ്റേഡിയത്തില്. അവസാന ടെസ്റ്റിന്റെ രണ്ടാം ഇന്നിങ്സില് ആറാമനായി ഇറങ്ങിയായിരുന്നു കോലി ആദ്യ ശതകം പൂര്ത്തിയാക്കിയത്- 116 സുവര്ണ റണ്ണുകള്! അതേവര്ഷം ചിന്ന സ്വാമി സ്റ്റേഡിയത്തില് ന്യൂസിലാന്ഡിനെതിരേയും നാഗ്പൂര് സ്റ്റേഡിയത്തില് ഇംഗ്ലണ്ടിനെതിരേയും കോലി സെഞ്ചുറികള് നേടി.
2013 ല് രണ്ട് ടെസ്റ്റ് സെഞ്ചുറികളാണ് കോടിയുടെ ബാറ്റില് നിന്ന് പിറന്നത്. ചിദംബരം സ്റ്റേറിയത്തില് ഓസ്ട്രേലിയക്കെതിരെ അഞ്ചാമനായി ഇറങ്ങി 107 റണ്സ് അടിച്ചെടുത്ത.. സൗത്താഫ്രിക്കയ്ക്കെതിരെയുള്ള ടെസ്റ്റ് സീരിസിന്റെ രണ്ടാം മത്സരത്തില് ജോഹന്നാസ്ബെര്ഗ് സ്റ്റേഡിയത്തില് വിരാട് കോലി നേടിയത് 119 റണ്സായിരുന്നു. ഈ മത്സരത്തിലെ മാന് ഓഫ് ദി മാച്ചും കോലി തന്നെ ആയിരുന്നു.
2014 ല് നാല് ടെസ്റ്റ് സെഞ്ചുറികള് ആയിരുന്നു കോലിയുടെ അക്കൗണ്ടില് രേഖപ്പെടുത്തിയത്. ന്യൂസിലാന്റിനെതിരെ വെല്ലിങ്ടണില് 105 നോട്ട ഔട്ടോടെ ആയിരുന്നു തുടക്കം. പിന്നീട് നടന്ന ഓസ്ട്രേലിയന് സീരീസില് നാല് സെഞ്ചുറികളാണ് കോലിയുടെ ബാറ്റില് നിന്ന് പിറന്നത്. ഇതില് ഒരു സെഞ്ചുറി 2015 ജനുവരിയില് ആയിരുന്നു. 2015 ല് ശ്രീലങ്കയ്ക്കെതിരെ ഒരു സെഞ്ചുറി കൂടി കോലി നേടി.
കോലിയുടെ ആദ്യ ഡബിള് സെഞ്ചുറി പിറക്കുന്നത് 2016 ല് ആണ്. ആന്റിഗയിലെ വിവ് റിച്ചാര്ഡ്സ് സ്റ്റേഡിയത്തില് വെസ്റ്റിന്ഡീസിനെതിരെ ആയിരുന്നു അത്. അതേ വര്ഷം ന്യൂസിലാന്ഡിനെതിരെ കോലി വീണ്ടും ഇരട്ട സെഞ്ചുറി നേടി. ഇംഗ്ലണ്ടിനെതിരെ ഒരു ഇരട്ടസെഞ്ചുറി കൂടി നേടിയാണ് കോലി 2016 അവസാനിപ്പിച്ചത്. 2016 ല് കോലി നേടിയത് രണ്ട് സെഞ്ചുറികളും രണ്ട് ഇരട്ട സെഞ്ചുറികളും.
2017 തുടങ്ങിയത് തന്നെ ഇരട്ട സെഞ്ചുറുയോടെ ആയിരുന്നു. ബംഗ്ലാദേശിനെതിരെ ഹൈദരാബാദ് സ്റ്റേഡിയത്തില്. തുടര്ന്ന് ശ്രീലങ്കക്കെതിരെ നാല് സെഞ്ചുറികള് കൂടി ഇതേ വര്ഷം നേടി. അതില് മൂന്ന് ഇരട്ട ശതകം കൂടി ഉണ്ടായിരുന്നു. മൂന്ന് ഇരട്ട സെഞ്ചുറികളുടെ വര്ഷം. അതിന് മുമ്പത്തെ വര്ഷം രണ്ട് ഇരട്ട സെഞ്ചുറികള് വേറേയും. മറ്റാര്ക്ക് സാധിക്കും ഇത്...
2018 ല് ദക്ഷിണാഫ്രിക്കക്കെതിരെ 149 റണ്സോടെയാണ് കോലിയുടെ സെഞ്ചുറിവേട്ട തുടങ്ങിയത്. പിന്നീട് ഇംഗ്ലണ്ടിനെതിരെ രണ്ട് സെഞ്ചുെറികള്, വെസ്റ്റ് ഇന്ഡീസിനെതിരെ ഒരു സെഞ്ചുറി, ഓസ്ട്രേലിയയ്ക്കെതിരെ ഒരു സെഞ്ചുറി എന്നിങ്ങനെ അഞ്ച് സെഞ്ചുറികള് 2018 ല് കോലി നേടി.
2019 ല് ദക്ഷിണാഫ്രിയ്ക്കക്കെതിരെ തന്റെ ടെസ്റ്റ് കരിയറിലെ റ്റേവും ഉയര്ന്ന സ്കോര് സ്വന്തമാക്കിക്കൊണ്ട് കോലി തുടങ്ങി- 254 നോട്ട് ഔട്ട്. ബാംഗ്ലാദേശിനെതിരെ കൂടി സെഞ്ചുറി നേടിയതോടെ ആ വര്ഷത്തെ സെഞ്ചുറി വേട്ട അവസാനിച്ചു. പിന്നീട് കോവിഡ് കാലം ക്രിക്കറ്റിനെ മാത്രമല്ല, ലോകത്തെ മുഴുവന് നിശ്ചലമാക്കി.
2023 ല് ഓസ്ട്രേലിയയ്ക്കെതിരെ നേടിയ 186 ആയിരുന്നു കോലിയുടെ അടുത്ത സെഞ്ചുറി. ഇതേ വര്ഷം വെസ്റ്റിന്ഡീസിനെതിരെയ ഒരു സെഞ്ചുറി കൂടി നേടി. എന്നാല് അതിന് ശേഷം 2024 ല് നടന്ന ഓസ്ട്രേലിയന് പര്യടനം കോലിയെ വിമര്ശനങ്ങളുടെ തീച്ചൂളയിലേക്ക് തള്ളിവിട്ടു. തുടര്ച്ചയായി ഓഫ് സൈഡിന് പുറത്തേക്കുള്ള പന്തുകളില് പുറത്തായി നാണക്കേടുണ്ടാക്കി. ഒടുവില് ഓസ്ട്രേലിയയ്ക്തെതിരെ ഒരു സെഞ്ചുറി കൂടി നേടി.
ഓസ്ട്രേലിയയ്ക്കെതിരെ അഡ്ലെയ്ഡില് സെഞ്ചുറി നേടിക്കൊണ്ടായിരുന്നു വിരാട് കോലിയുടെ സെഞ്ചുറി വേട്ട തുടങ്ങിയത്. ഒടുവില് അത് ഓസ്ട്രേലിയയിലെ പെര്ത്തില് അവസാനിക്കുകയും ചെയ്തു. കൊവിഡ് കാലം ഇല്ലായിരുന്നെങ്കില് കോലിയുടെ അക്കൗണ്ടില് ഇനിയുമേറെ സെഞ്ചുറികള് ഉണ്ടാകുമായിരുന്നു എന്ന് ഉറപ്പാണ്. 36 എന്നത് ടെസ്റ്റ് ക്രിക്കറ്റില് നിന്ന് വിരമിക്കാനുള്ള ഒരു പ്രായമേ അല്ല, പ്രത്യേകിച്ചും വിരാട് കോലിയ്ക്ക്. സച്ചിന് സൃഷ്ടിച്ച റെക്കോര്ഡുകള് മറികടക്കാന് സാധ്യതയുള്ള ഏകതാരവും അത് സാധ്യമാകാതെ ടെസ്റ്റ് ക്രിക്കറ്റില് നിന്ന് വിരമിക്കുകയാണ് ഇപ്പോള്.
ഏറ്റവും പുതിയവാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)