ജപ്പാന്‍: വനിതാ ഏഷ്യ കപ്പ് ഹോക്കിയില്‍ ഇന്ത്യ ഫൈനലില്‍. ജപ്പാനെ 4-2 തകര്‍ത്താണ് ഇന്ത്യ ഫൈനലിലെത്തിയത്. ഇന്ത്യക്കായി ഗുര്‍ജിത് കൗര്‍(7,9) രണ്ട് ഗോള്‍ നേടിയപ്പോള്‍ നവജോത് കൗര്‍(9), ലല്രെമ്സിയാമി(38) എന്നിവര്‍ ഓരോ ഗോള്‍ വീതം നേടി. ഞായറാഴ്ച നടക്കുന്ന ഫൈനലില്‍ ചൈനയാണ് ഇന്ത്യയുടെ എതിരാളി.
ഏഷ്യ കപ്പ് ഹോക്കിയില്‍ ഇത് നാലാമത്തെ വട്ടമാണ് ഇന്ത്യ ഫൈനലില്‍ എത്തുന്നത്. 2004-ല്‍ കിരീടം ചൂടിയപ്പോള്‍ 1999ലും, 2009ലും റണ്ണേഴ്സ്-അപ്പായി. 2009-ലെ ഫൈനല്‍ മത്സരത്തില്‍ ചൈനയോട് 5-3ന് തോറ്റതിന് പ്രതികാരം ചെയ്യാനുള്ള സുവര്‍ണ്ണ അവസരമാണ് ഇന്ത്യക്ക് കൈവന്നിരിക്കുന്നത്. പൂള്‍ എ മത്സരത്തില്‍ ചൈനയെ 4-1ന് തകര്‍ത്തത്തിന്‍റെ ആത്മവിശ്വാസവും കിരീടം നേടാന്‍ ഇന്ത്യക്ക് കൂട്ടാകും.
