close

News WrapGet Handpicked Stories from our editors directly to your mailbox

ബിജെപിയ്ക്ക് 'ആപ്പ്' വെച്ച് കോണ്‍ഗ്രസ്!!

മോദിയുടെ അഴിമതികള്‍ കണ്ടെത്തി ആസ്വദിക്കൂ എന്ന സന്ദേശത്തോടു കൂടി കറപ്റ്റ് മോദിയെന്ന് സൈറ്റ് കോണ്‍ഗ്രസ് അവതരിപ്പിച്ചു.

Updated: Feb 11, 2019, 06:53 PM IST
 ബിജെപിയ്ക്ക് 'ആപ്പ്' വെച്ച് കോണ്‍ഗ്രസ്!!

2019 ലെ പൊതുതിരഞ്ഞെടുപ്പിന് മുന്‍പായി മോദി സര്‍ക്കാരിന്‍റെ അഴിമതികളും ജനദ്രോഹനയങ്ങളും ജനങ്ങളില്‍ എത്തിക്കുക എന്നതാണ് കോണ്‍ഗ്രസിന്‍റെ ലക്ഷ്യം.

നേതാക്കന്മാരുടെ വായ്‌പ്പോരുകളും, ചുവരെഴുത്തുകളും, സോഷ്യല്‍ മീഡിയ പ്രചരണങ്ങളുമെല്ലാം ഇതിന്‍റെ ഭാഗമായി നടന്നു വരികയാണ്. ഇന്‍സ്റ്റഗ്രാമില്‍ ആരംഭിച്ച വേഡ് പസില്‍ ഗെയിമാണ് ഏറ്റവും അവസാനമായി ബിജെപിയ്ക്കെതിരെ ആയുധമായി കോണ്‍ഗ്രസ് കണ്ടെത്തിയിരിക്കുന്നത്.  

ഒരു ഗെയിം എന്നതിനപ്പുറം മോദി സര്‍ക്കാറിന്‍റെ അഴിമതികള്‍ ജനങ്ങളിലേക്ക് എത്തിക്കാനുള്ള ഒരു മാര്‍ഗം കൂടിയാണ് കോണ്‍ഗ്രസിന് ഇത്.
 
ഇന്‍സ്റ്റഗ്രാമില്‍ അവതരിപ്പിച്ചിരിക്കുന്ന ഗെയിമില്‍ നരേന്ദ്ര മോദി സര്‍ക്കാറിന്‍റെ കാലത്ത് നടന്ന പത്ത് അഴിമതികള്‍ വേഡ് പസിലിലൂടെ കണ്ടെത്താനാണ് കോണ്‍ഗ്രസിന്‍റെ ചലഞ്ച്. 

മോദിയുടെ അഴിമതികളെ കണ്ടെത്തു എന്നതാണ് വേഡ് പസില്‍ ഗെയിമിന് നല്‍കിയിരിക്കുന്ന പേര്. ഉത്തരങ്ങള്‍ ശരിയാവുകയും 3 സുഹൃത്തുകള്‍ക്ക് ടാഗ് ചെയ്യുകയും ചെയ്താല്‍ വിജിയികള്‍ക്ക് പതിനായിരം രൂപയാണ് കോണ്‍ഗ്രസ് പ്രഖ്യാപിച്ചിരിക്കുന്ന സമ്മാനം. 

ഗെയിമിന്‍റെ ആദ്യ ഘട്ട മത്സരം ഫെബ്രുവരി 10 ന് അവസാനിച്ചു. അടുത്ത ഘട്ടം ഉടന്‍ തന്നെ തുടങ്ങുമെന്നാണ് കോണ്‍ഗ്രസ് സോഷ്യല്‍ മീഡിയാ വിഭാഗം അറിയിക്കുന്നത്.

ഇന്‍സ്റ്റഗ്രാം ഗെയിമിനോടൊപ്പം തന്നെ www.corruptmodi.com എന്ന വെബ്സൈറ്റിന്‍റെ പ്രവര്‍ത്തവും തിരഞ്ഞെടുപ്പ് പ്രമാണിച്ച് കോണ്‍ഗ്രസ് സജീവമാക്കിയിരിക്കുകയാണ്. ഇത്തരത്തില്‍ രാഷ്ട്രീയ പ്രചരണം ലക്ഷമിട്ടുകൊണ്ടുള്ള നിരവധി വിനോദങ്ങളാണ് സൈറ്റില്‍ ഉള്‍ക്കൊള്ളിച്ചിരിക്കുന്നത്.

മധ്യപ്രദേശ്, രാജസ്ഥാന്‍ നിയമസഭാ തിരഞ്ഞെടുപ്പിന് ശേഷം മുഖ്യമന്ത്രിയെ തിരഞ്ഞെടുക്കുന്നതില്‍ കാലതാമസം വന്നപ്പോള്‍ കോണ്‍ഗ്രസ് ശക്തമായ വിമര്‍ശനം നേരിട്ടിരുന്നു. 

ഈ അവസരത്തിലാണ് മോദിയുടെ അഴിമതികള്‍ കണ്ടെത്തി ആസ്വദിക്കൂ എന്ന സന്ദേശത്തോടു കൂടി കറപ്റ്റ് മോദിയെന്ന് സൈറ്റ് കോണ്‍ഗ്രസ് അവതരിപ്പിച്ചത്.

മോദിസര്‍ക്കാറിനും വിവിധ സംസ്ഥാനങ്ങളിലെ ബിജെപി ഭരണകൂടങ്ങള്‍ക്കുമെതിരെ ഉയര്‍ന്ന് അഴിമതി ആരോപണങ്ങള്‍ അക്ഷരമാല ക്രമത്തില്‍ അവതരിപ്പിക്കുന്നതാണ് ഏറ്റവും ശ്രദ്ധേയം.

A ടും Z വരെയായി പ്രധാനപ്പെട്ട നിരവധി അഴിമതി ആരോപണങ്ങളാണ് ഈ വിഭാഗത്തില്‍ ഉള്‍ക്കൊള്ളിച്ചിരിക്കുന്നത്. മധ്യപ്രദേശില്‍ ബിജെപി സര്‍ക്കാര്‍ അധികാരത്തിലിക്കെ നടന്ന പരസ്യ അഴിമതി (ADVERTISEMENT SCAM)യാണ് പട്ടികയില്‍ ആദ്യമായി ഇടം പിടിച്ചിരിക്കുന്നത്.