ഇനി മുതല്‍ കല്യാണത്തിന് വിദേശികളും!

ടിക്കറ്റിന് ഒരു ദിവസത്തേക്ക് $150 (10,465.50 രൂപ)യും, രണ്ടോ അതിലധികമോ ദിവസത്തേക്ക് $250 (17,442.50) രൂപയുമാണ്

Sneha Aniyan | Updated: Dec 4, 2018, 01:12 PM IST
ഇനി മുതല്‍ കല്യാണത്തിന് വിദേശികളും!

ന്ത്യയിലെ വ്യത്യസ്തമായ വിവാഹ ചടങ്ങുകള്‍ക്ക് ഇനി വിദേശികളെയും ക്ഷണിക്കാം. JoinMyWedding.com എന്ന ആപ്പാണ് ഇതിന് സഹായിക്കുന്നത്. 

2016 -ല്‍ ഒരു ഓസ്ട്രേലിയന്‍ സ്റ്റാര്‍ട്ടപ്പാണ് ഈ വ്യത്യസ്തമായ ആശയം കൊണ്ടുവന്നത്. എന്നാല്‍, ഇന്ത്യയില്‍ നടക്കുന്ന വിവാഹത്തില്‍ പങ്കെടുക്കണമെങ്കില്‍ വിദേശികള്‍ ഫീസ് നല്‍കണം. ഒര്‍സി എന്ന  സ്ത്രീയാണ് ഈ സ്റ്റാര്‍ട്ടപ്പിന് പിറകില്‍.

തന്‍റെ സുഹൃത്തുക്കളിലൊരാള്‍ ഇന്ത്യയിലെ ഒരു വിവാഹത്തില്‍ പങ്കെടുത്തതിനെ കുറിച്ച് വിശദീകരിച്ചതില്‍ നിന്നാണ് ആശയം ഉദിച്ചതെന്നാണ് ഒര്‍സി പറയുന്നത്. 

ടിക്കറ്റിന് ഒരു ദിവസത്തേക്ക് $150 (10,465.50 രൂപ)യും, രണ്ടോ അതിലധികമോ ദിവസത്തേക്ക് $250 (17,442.50) രൂപയുമാണ്. 

ഇതില്‍ 40 ശതമാനം കമ്പനിയുടെ കമ്മീഷനും 60 ശതമാനം ദമ്പതികള്‍ക്കുള്ളതുമാണ്. കൂടാതെ, ദമ്പതികളുടെ ബന്ധുക്കളിലൊരാള്‍ ചടങ്ങുകളുടെ വിശദീകരണം നല്‍കാന്‍ കൂടെയുണ്ടാകും. 

വിവാഹത്തോടനുബന്ധിച്ചുള്ള വിവിധ ചടങ്ങുകളിലും ആഘോഷങ്ങളിലും പങ്കെടുക്കാം എന്നതാണ് ഈ സംവിധാനത്തിന്‍റെ പ്രത്യേകത. ഡെന്‍മാര്‍ക്കില്‍ നിന്നുള്ള എമ്മ, അനിറ്റ എന്നിവര്‍ ഇതുപോലെ വിവാഹത്തില്‍ പങ്കെടുത്തവരാണ്. 

വിവാഹത്തില്‍ പങ്കെടുക്കുന്നതിന് മുമ്പ് ദമ്പതികള്‍ക്കും, വിവാഹത്തില്‍ പങ്കെുക്കാനെത്തുന്ന വിദേശികള്‍ക്കും പരസ്പരം സംസാരിക്കാം. തുടര്‍ന്ന് ഇരുകൂട്ടര്‍ക്കും സമ്മതമാണെങ്കില്‍ മാത്രമേ വിദേശികള്‍ക്ക് ചടങ്ങുകളില്‍ പങ്കെടുക്കാന്‍ സാധിക്കൂ.