ന്യൂഡൽഹി: അക്കൗണ്ട് ആരംഭിക്കാൻ ആധാർ കാർഡ് വേണമെന്ന വാര്‍ത്തകള്‍ നിഷേധിച്ച് ഫേസ്ബുക്ക്. ആധാർ വിവരങ്ങൾ ശേഖരിക്കുന്നില്ലെന്നും ആധാറിൽ രേഖപ്പെടുത്തിയ പേരു ചോദിച്ചത് പരീക്ഷണാര്‍ത്ഥമായിരുന്നുവെന്നുമാണ് ഫേസ്ബുക്ക് വ്യക്തമാക്കുന്നത്.
ഈ പരീക്ഷണം മുന്നോട്ടു കൊണ്ടുപോവാൻ ഫേസ്ബുക്കിനു പദ്ധതിയില്ലെന്നും കമ്പനി പ്രതിനിധി ബ്ലോഗിൽ കുറിച്ചു.
വ്യാജ അക്കൗണ്ടുകൾ നശിപ്പിക്കുന്നതിന്‍റെ ഭാഗമായി പുതുതായി അക്കൗണ്ട് ആരംഭിക്കുന്നവരോട് ആധാർ കാർഡിലെ പേര് നൽകാൻ ഫേസ്ബുക്ക് ആവശ്യപ്പെട്ടിരുന്നു. മൊബൈൽ ഫോണിലൂടെ അക്കൗണ്ട് ആരംഭിക്കുന്നവരോടാണ് ആധാറിലെ പേരുതന്നെ നൽകാൻ ഫേസ്ബുക്ക് ആവശ്യപ്പെട്ടത്.
