ന്യൂഡല്‍ഹി : കാശ്മീർ ബന്ധമുള്ള ട്വീറ്റുകൾ വിലക്കി ട്വിറ്റർ. കേന്ദ്ര ഇലക്‌ട്രോണിക്സ് ആന്‍ഡ് ഐടി മന്ത്രാലയം ആഗസ്റ്റ് 24ന് ട്വിറ്ററിനയച്ച കത്തിൽ 19 അക്കൗണ്ടുകള്‍ ബ്ലോക്ക് ചെയ്യണമെന്ന് ആവശ്യപ്പെട്ടിരുന്നു. 115 ഓളം ട്വീറ്റുകളും ഹാന്‍ഡിലുകളും നീക്കം ചെയ്യാനും കത്തിൽ പറഞ്ഞിരുന്നു. ട്വിറ്റർ ഈ കത്ത് വിശദമായി പഠിച്ച ശേഷമാണ് നിരോധനം ഏർപ്പെടുത്തിയത്.
കശ്മീരുമായി ബന്ധപ്പെട്ട അഭിപ്രായങ്ങളടങ്ങിയ ട്വീറ്റുകള്‍ക്കെല്ലാം ട്വിറ്റര്‍ നിരോധനമേര്‍പ്പെടുത്തി. ഐടി ആക്റ്റ് സെക്ഷന്‍ 69 പ്രകാരം ഇത്തരം പ്രവൃത്തികള്‍ പൊതുതാത്പര്യത്തിന് എതിരു നില്‍ക്കുന്നതാണെന്ന് കണ്ടെത്തിയതിൻ പ്രകാരമാണ് നിരോധനമെന്ന് ട്വിറ്റർ അറിയിച്ചു.
