State women commission News

ഹാദിയ കേസുമായി ബന്ധപ്പെട്ട് ദേശീയ വനിതാ കമ്മീഷനെതിരെ വിമര്‍ശനവുമായി വീണ്ടും സംസ്ഥാന വനിതാ കമ്മീഷന്‍ അധ്യക്ഷ എം.സി ജോസഫൈന്‍. ഹാദിയ സുപ്രീംകോടതിയില്‍ എന്തുപറയുമെന്ന ഭയമാണ് ഇപ്പോള്‍ ദേശീയ വനിതാ കമ്മീഷനെന്ന് എം.സി ജോസഫൈന്‍ പറഞ്ഞു. ഇതിനാലാണ് കമ്മീഷന്‍ അധ്യക്ഷ രേഖ ശര്‍മമ്മ ഹാദിയയുടെ വീട് സന്ദര്‍ശിച്ചത്. കഴിഞ്ഞ മൂന്ന് മാസമായിട്ട് ഹാദിയയെ കാണാന്‍ ശ്രമിക്കാത്ത ദേശീയ വനിതാ കമ്മീഷന്‍റെ ഇപ്പോഴത്തെ സന്ദര്‍ശനത്തിന് പിന്നില്‍ രാഷ്ട്രീയമുണ്ടെന്ന് സംശയിക്കേണ്ടി വരുമെന്നും ജോസഫൈന്‍ പറഞ്ഞു.

കേരളത്തില്‍ നിര്‍ബന്ധിത മതപരിവര്‍ത്തനമില്ലെന്ന് സംസ്ഥാന വനിതാ കമ്മീഷന്‍ അധ്യക്ഷ എം.സി. ജോസഫൈന്‍. കേരളത്തിലെ സാഹചര്യം അറിയാതെയാണ് ദേശീയ വനിതാ കമ്മീഷന്‍ അധ്യക്ഷയുടെ പരാമര്‍ശം. രേഖ ശര്‍മയുടെ പരാമര്‍ശം രാഷ്ട്രീയ ലക്ഷ്യങ്ങളോടെയാണെന്ന് സംശയിക്കുന്നതായും ജോസഫൈന്‍ പറഞ്ഞു. അതുകൂടാതെ മനുഷ്യാവകാശ ലംഘനം നടന്നിട്ടുണ്ടോ എന്ന കാര്യം കോടതിയില്‍ എത്തുമ്പോള്‍ വ്യക്തമാകും. ഹാദിയ വിഷയത്തില്‍ ദേശീയ വനിതാ കമ്മീഷന്‍ അധ്യക്ഷയുടെ പരാമര്‍ശം തികച്ചും അനൗചിത്യമാണെന്നും ജോസഫൈന്‍ പറഞ്ഞു.

സംസ്ഥാനങ്ങളില്‍ വനിത കമ്മീഷനുകള്‍ പ്രവര്‍ത്തിക്കുന്നുണ്ടോയെന്ന് കേന്ദ്രസര്‍ക്കാരിനോട് സുപ്രീംകോടതി. വനിത കമ്മീഷനുകള്‍ രൂപീകരിക്കാത്ത സംസ്ഥാനങ്ങളോട് അതിനായി  അടിയന്തരമായി നടപടികള്‍ സ്വീകരിക്കാന്‍ നിര്‍ദേശം നല്‍കുന്നതിന് കേന്ദ്രത്തോട് സുപ്രീംകോടതി ആവശ്യപ്പെട്ടു. വൃന്ദാവനിലെ വിധവകളുടെ അസുരക്ഷിതമായ സാമൂഹ്യാവസ്ഥകളെക്കുറിച്ചുള്ള ഹര്‍ജി പരിഗണിക്കവെയാണ് സുപ്രീംകോടതിയുടെ പരാമര്‍ശം.