Bad Indications in Astrology: ചില സാധനങ്ങള്‍ കൈയില്‍ നിന്ന് താഴെ വീഴുമ്പോള്‍ നാം അറിയാതെ ചിന്തിച്ചുപോകും എന്തോ അരുതാത്തത് സംഭവിക്കാന്‍ പോകുന്നു എന്ന്... ഈ ചിന്തയ്ക്കും വിശ്വാസത്തിനും പിന്നില്‍ ജ്യോതിഷ ശാസ്ത്രമാണ്...
ഇത്തരം അനുഭവങ്ങള്‍ നല്‍കുന്നത് ഒരു മുന്നറിയിപ്പാണ്. അതായത്, നാം ജാഗ്രതയോടെയും കൂടുതല്‍ അവബോധത്തോടെയും കൂടി മുന്നോട്ടു നീങ്ങുക എന്നതാണ് ഇതുകൊണ്ട് അര്‍ത്ഥമാക്കുന്നത്‌.
ഏതൊക്കെ വസ്തുക്കള്‍ താഴെ വീഴുന്നത് നമ്മുടെ ജീവിതത്തില്‍ മുന്നറിയിപ്പ് നല്‍കുന്നുവെന്നും അശുഭകരമായി കണക്കാക്കുന്നു എന്നും അറിയേണ്ടത് ആവശ്യമാണ്.
കൈയിൽ നിന്ന് തേങ്ങ താഴെ വീഴുന്നത് നിങ്ങളുടെ കരിയറില്‍ പ്രശ്നങ്ങള്‍ അല്ലെങ്കില്‍ തടസങ്ങള്‍ ഉടലെടുക്കുന്നതിന്‍റെ സൂചനയാണ് നല്‍കുന്നത്. ജ്യോതിഷ പ്രകാരം തേങ്ങ കൈയില്‍ നിന്ന് വീഴുന്നത് ഒരു വ്യക്തിയുടെ പ്രൊഫഷണൽ ജീവിതത്തിൽ തടസ്സങ്ങൾ ഉണ്ടാകുന്നു എന്നതിന്‍റെ സൂചനയാണ്.
ഉപ്പ് കയ്യിൽ നിന്ന് താഴെ വീഴുന്നത് സാമ്പത്തിക പ്രതിസന്ധിയുടെയും ജീവിതത്തിൽ പ്രശ്നങ്ങളുടെ ആഗമനത്തിന്‍റെയും അടയാളമായി കണക്കാക്കപ്പെടുന്നു. ഉപ്പ് താഴെ വീഴുന്നതിന്‍റെ ഫലമായി, ഗ്രഹങ്ങളും അനുകൂലമായി നിലനിൽക്കില്ല എന്നാണ് പറയപ്പെടുന്നത്‌.
എണ്ണ താഴെ വീഴുന്നത് അശുഭകരമായി കണക്കാക്കപ്പെടുന്നു. ഇത് കുടുംബത്തിൽ കലഹത്തിനും അസ്വാരസ്യങ്ങൾക്കും കാരണമാകുമെന്ന് പറയപ്പെടുന്നു. ഇത് ഒഴിവാക്കാൻ എണ്ണ നിലത്ത് വീണാല്‍ ഒരു തുണി ഉപയോഗിച്ച് അത് വൃത്തിയാക്കുക.
മതഗ്രന്ഥങ്ങളിൽ അരിയെ പവിത്രമായ ഭക്ഷണമായി കണക്കാക്കുന്നു. അത് കൈയിൽ നിന്ന് വീഴുന്നത് അസുഖകരമായ വാർത്തകളുടെ സൂചനയായി കണക്കാക്കപ്പെടുന്നു. അരിയുടെ പ്രാധാന്യം കണക്കിലെടുത്ത് അത് കൈയിൽ നിന്ന് വീഴാൻ അനുവദിക്കരുത്. അരി വീഴുന്നത് സാമ്പത്തിക പ്രതിസന്ധിയെ സൂചിപ്പിക്കുന്നതായും പറയപ്പെടുന്നു.
കൈയിൽ നിന്ന് പാൽ വീഴുന്നതും ശുഭമല്ല. അതായത്, ഇത്തരത്തില്‍ പാല്‍ കൈയില്‍ നിന്ന് വീഴുന്നത് സന്താനവുമായി ബന്ധപ്പെട്ട പ്രശ്നങ്ങളുടെ ലക്ഷണമായി കണക്കാക്കുന്നു. എന്നാല്‍, അടുപ്പിലോ ഗ്യാസിലോ പാൽ വീണാൽ അത് ഐശ്വര്യമായി കരുതുന്നു.
പഞ്ചസാര താഴെ വീഴുന്നതും അശുഭകരമായി കണക്കാക്കപ്പെടുന്നു. ജ്യോതിഷ പ്രകാരം, പഞ്ചസാര വീഴുന്നത് കുടുംബത്തില്‍ ഉടന്‍ മോശം വാര്‍ത്തകള്‍ ലഭിക്കും എന്നതിന്‍റെ അടയാളമാണ്. പഞ്ചസാരയെ പ്രസാദമായും കാണുന്നു, അതിനാൽ അത് വീഴുന്നത് തീർച്ചയായും അശുഭകരമാണ്.
കൈയിൽ നിന്ന് താഴെ വീഴുന്നതും പൊട്ടുന്നതും അശുഭകരമായി കണക്കാക്കപ്പെടുന്നു. കാരണം അത് ആത്മാവിന്‍റെ പ്രതിഫലനം കാണിക്കുന്നു. ജ്യോതിഷമനുസരിച്ച്, കണ്ണാടി തകരുന്നത് ജീവിതത്തില്‍ പ്രശ്നങ്ങള്‍ ഉടലെടുക്കുന്നു എന്നതിന്‍റെ സൂചനയാണ് നല്‍കുന്നത്.