ആരെയും കണ്ണടച്ച് വിശ്വസിക്കല്ലേ, പണി കിട്ടും; നല്ലവരെ തിരിച്ചറിയാൻ ഇതാ ചില ചാണക്യതന്ത്രങ്ങൾ
പുരാതന ഭാരതത്തിൽ ജീവിച്ചിരുന്ന നയതന്ത്രജ്ഞനും മഹാപണ്ഡിതനുമായിരുന്നു ചാണക്യൻ. മനുഷ്യജീവിതത്തിന് ഉപകാരപ്രദമാകുന്ന നിരവധി ഗ്രന്ഥങ്ങള്‍ അദ്ദേഹം രചിച്ചിട്ടുണ്ട്. അതില്‍ ചാണക്യനീതി എന്ന ഗ്രന്ഥം ജനങ്ങള്‍ക്കിടയില്‍ വളരെ പ്രചാരത്തിലുണ്ട്.
മനുഷ്യജീവിതവുമായി ബന്ധപ്പെട്ട സുപ്രധാന കാര്യങ്ങള്‍ ചാണക്യനീതിയില്‍ പരാമര്‍ശിച്ചിട്ടുണ്ട്. ഇന്നത്തെ കാലത്തും മനുഷ്യന്റെ ജീവിതത്തില്‍ ചാണക്യന്റെ വാക്കുകള്‍ക്ക് വലിയ പ്രാധാന്യമുണ്ട്.
ഏതൊരു ബന്ധവും ആരംഭിക്കുന്നത് വിശ്വാസത്തില്‍ നിന്നാണ്. നിങ്ങള്‍ക്ക് വിശ്വസിക്കാന്‍ കഴിയുന്ന ആളുകളെ മാത്രമേ നിങ്ങളുടെ സുഹൃത്തായോ പ്രണയ പങ്കാളിയായോ തിരഞ്ഞെടുക്കാവൂ. എന്നാൽ അത്തരം ആളുകളെ എങ്ങനെ കണ്ടെത്തും?
ഒരു വ്യക്തിയെ വിശ്വസിക്കുന്നതിന് മുമ്പ് ചില കാര്യങ്ങള്‍ നിങ്ങള്‍ ശ്രദ്ധിക്കണമെന്ന് ചാണക്യന്‍ പറയുന്നു. അത് എന്തൊക്കെയാണെന്ന് നമുക്ക് നോക്കാം.
കോപം, അലസത, സ്വാര്‍ത്ഥത, നുണ, അഹങ്കാരം തുടങ്ങിയ ദോഷ ഗുണങ്ങളുള്ള ഒരു വ്യക്തിയെ വിശ്വസിക്കരുതെന്ന് ചാണക്യന്‍ പറയുന്നു.
ഏതൊരു വ്യക്തിക്കും സ്വഭാവമാണ് പ്രധാനം. നല്ല സ്വഭാവമുള്ള ആളുകള്‍ മറ്റുള്ളവര്‍ക്ക് നല്ലത് ചെയ്യുന്നു, എന്നാല്‍ മോശം സ്വഭാവമുള്ള ആളുകള്‍ക്ക് സ്വന്തം നേട്ടത്തിനായി മറ്റുള്ളവരെ ദ്രോഹിക്കാന്‍ പോലും തയാറാകുന്നു.
ഒരു വ്യക്തിയെ വിശ്വസിക്കുന്നതിനുമുമ്പ് അയാള്‍ക്ക് ത്യാഗബോധം ഉണ്ടോ ഇല്ലയോ എന്ന് അളക്കേണ്ടത് വളരെ പ്രധാനമാണെന്ന് ചാണക്യൻ പറയുന്നു. കാരണം മറ്റുള്ളവരെ സഹായിക്കുകയും അവരുടെ സന്തോഷത്തില്‍ ശ്രദ്ധിക്കുകയും ചെയ്യുന്ന വ്യക്തികളെ കണ്ണടച്ച് വിശ്വസിക്കാമെന്ന് ചാണക്യന്‍ പറയുന്നു.
ഒരാള്‍ക്ക് അത്യാഗ്രഹമോ നുണയോ പോലുള്ള ഒരു സ്വഭാവ പ്രവണതയും ഇല്ലെന്ന് ആദ്യം ഉറപ്പാക്കുക. അത്തരം ആളുകളെ വിശ്വാസിക്കാന്‍ പോകരുത്. എപ്പോഴും നന്മ ചെയ്യുന്നവരെ മാത്രമേ വിശ്വസിക്കാവൂ എന്ന് ചാണക്യന്‍ പറയുന്നു.
നിങ്ങളുടെ സന്തോഷത്തിനായി തന്റെ സന്തോഷം ത്യജിക്കുന്ന ഒരാളെ നിങ്ങള്‍ക്ക് വിശ്വസിക്കാനാകുമെന്ന് ചാണക്യന്‍ പറയുന്നു. അത്തരം ആളുകൾക്ക് ആരെയും വഞ്ചിക്കാന്‍ കഴിയില്ല.
തെറ്റായ മാര്‍ഗങ്ങളിലൂടെ പണം സമ്പാദിക്കുന്ന ആളുകളില്‍ നിന്ന് അകലം പാലിക്കുന്നതാണ് നല്ലത്. കാരണം ഇത്തരക്കാര്‍ സ്വന്തം സ്വാര്‍ത്ഥതയ്ക്കായി ആരെയും വഞ്ചിക്കും.
ആവശ്യമുള്ളപ്പോള്‍ ഉപകാരപ്പെടുന്നവനാണ് ഒരു ഉത്തമ സുഹൃത്തെന്ന് ചാണക്യന്‍ പറഞ്ഞിട്ടുണ്ട്. നിങ്ങളുടെ ജീവിതത്തില്‍ എന്തെങ്കിലും കുഴപ്പം വന്നാല്‍, മോശം സമയത്തും ഒരു ഉത്തമ സുഹൃത്ത് നിങ്ങളെ പിന്തുണയ്ക്കണം.
നിങ്ങളുടെ ആപത്തിൽ നിങ്ങളെ സഹായിക്കുന്നവരാണ് യഥാർത്ഥ സുഹൃത്ത്. അത്തരം ആളുകളെ വിശ്വസിച്ച് കൂടെ കൂട്ടാമെന്ന് ചാണക്യൻ പറയുന്നു.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്.