ദിനവും ഒരാപ്പിൾ... ഗുണങ്ങൾ ഏറെ!
ദിനവും ഒരാപ്പിൾ കഴിച്ചാൽ പിന്നെ ഡോക്‌ടറെ കണ്ടേണ്ടി വരില്ല എന്നാണല്ലോ പണ്ടുമുതലേ നമ്മൾ കേൾക്കുന്നത്. അത് വെറുതെയല്ല കേട്ടോ...
ദിവസവും ഒരു ആപ്പിൾ കഴിച്ചാൽ പല തരത്തിലുള്ള ആരോഗ്യ ഗുണങ്ങളുണ്ടാകും.
ആപ്പിൾ ധാരാളം ഫൈബർ അടങ്ങിയ ഒരു പഴമാണ്. ആപ്പിളിലിൽ കാർബോഹൈഡ്രേറ്റിൻ്റെയും പഞ്ചസാരയുടെയും അളവ് ഉയർന്നതാണെങ്കിലും ഗ്ലൈസെമിക് സൂചിക വളരെ താഴ്ന്നതാണ്. ഇത് രക്തത്തിലെ പഞ്ചസാരയുടെ അളവ് സന്തുലിതമാക്കും
ആപ്പിളിൽ കലോറി കുറവും ഉയർന്ന നാരുകളുമുണ്ട്. അവ ശരീരഭാരം കുറയ്ക്കാൻ സഹായിക്കും
ആപ്പിളിൽ പോളിഫെനോളുകൾ അടങ്ങിയിട്ടുണ്ട്. ഇത് വിസറൽ കൊഴുപ്പ് അടിഞ്ഞുകൂടുന്നത് തടയാൻ സഹായിക്കും.
ശരീരത്തിൽ അമിതമായ കൊളസ്ട്രോൾ അടിഞ്ഞുകൂടുന്നത് പലപ്പോഴും ഹൃദയാരോഗ്യത്തെ മോശമായി ബാധിക്കും. കൊളസ്ട്രോൾ കുറയ്ക്കാൻ ആപ്പിൾ ഏറെ നല്ലതാണ്
ആപ്പിളിന്റെ തൊലിയിൽ ലയിക്കാത്ത നാരുകൾ കാണപ്പെടുന്നു. അതിനാൽ മലബന്ധ പ്രശ്നം അകറ്റുന്നതിനും ആപ്പിൾ സൂപ്പറാണ്
ആപ്പിൾ ദഹന പ്രശ്നങ്ങൾ ഇല്ലാതാക്കാനും സഹായിക്കും. ഇതിൽ ധാരാളം ഫൈബർ അടങ്ങിയിട്ടുണ്ട് ഇത് ദഹന പ്രക്രിയ വേഗത്തിലാക്കും.
വിറ്റാമിൻ എ, ബി കോംപ്ലക്സ്, സി എന്നിവയാൽ സമ്പുഷ്ടമായ ആപ്പിൾ ചർമ്മത്തിനും ഏറെ ഗുണം നൽകും. ആപ്പിളിലെ ആൻ്റിഓക്‌സിഡൻ്റുകൾ ചർമ്മകോശങ്ങളുടെ പുനരുജ്ജീവനത്തെ ത്വരിതപ്പെടുത്തുകയും ആരോഗ്യമുള്ളതും തിളങ്ങുന്നതുമായ ചർമ്മം നിലനിർത്താൻ സഹായിക്കുകയും ചെയ്യും
ഹൃദ്രോഗ സാധ്യത കുറയ്ക്കുന്നതിനും ആപ്പിൾ നല്ലതാണ്. അവയിൽ ക്വെർസെറ്റിൻ എന്ന ഫൈറ്റോകെമിക്കൽ അടങ്ങിയിട്ടുണ്ട്, ഇത് പ്രകൃതിദത്ത ആൻറി-ഇൻഫ്ലമേറ്ററി ഏജൻ്റായി പ്രവർത്തിക്കുന്നു.