സെലിബ്രിറ്റികളുടെ ചർമ്മരഹസ്യം..! വിറ്റാമിൻ ബി3 മാജിക്; നിയാസിനമൈഡ് ഗുണങ്ങൾ ഇതാ...
നിയാസിനമൈഡ് അഥവാ വിറ്റാമിൻ ബി3 ഉപയോഗിക്കുന്നത് ചർമ്മത്തിലെ അമിതമായ മെലാനിൻ ഉൽപ്പാദനം നിയന്ത്രിക്കാൻ സഹായിക്കും. ഇത് മുഖത്തെ കറുത്ത പാടുകൾ, കുരുക്കൾ വന്ന പാടുകൾ, സൂര്യപ്രകാശം മൂലമുണ്ടാകുന്ന മങ്ങൽ എന്നിവ കുറയ്ക്കും.
നിയാസിനമൈഡ് ഉപയോഗിക്കുന്നത് ചർമ്മത്തിലെ സുഷിരങ്ങൾ കുറയ്ക്കാൻ സഹായിക്കും. ഇത് സുഷിരങ്ങളിലെ അഴുക്കും എണ്ണമയവും അടിഞ്ഞുകൂടുന്നത് തടയുന്നു. അതുവഴി സുഷിരങ്ങൾ കുറച്ച് ചർമ്മം കൂടുതൽ മിനുസമുള്ളതാക്കുന്നു.
എണ്ണമയമുള്ള ചർമ്മക്കാർ നിയാസിനമൈഡ് ഉപയോഗിക്കുന്നത് നല്ലതാണ്. ഇത് സെബം ഉത്പാദനം സന്തുലിതമാക്കുന്നു. അതിലൂടെ മുഖക്കുരു വരുന്നത് ഒരു പരിധിവരെ തടയാനാകും.
ചർമ്മത്തിലെ ഈർപ്പം നിലനിർത്താൻ സഹായിക്കുന്നതാണ് 'സെറാമൈഡുകൾ'. നിയാസിനാമൈഡ് ഉപയോഗിക്കുന്നത് സെറാമൈഡുകൾ ഉൽപ്പാദിപ്പിക്കാൻ സഹായിക്കും. ഇത് ചർമ്മം വരണ്ടുപോകാതെ സംരക്ഷിക്കും.
കൊളാജൻ ഉൽപ്പാദനം വർധിപ്പിക്കാൻ സഹായിക്കുന്നതാണ് വിറ്റാമിൻ ബി3. ഇത് ചർമ്മത്തിലെ നേർത്ത വരകളും ചുളിവുകളും കുറയ്ക്കാൻ ഇത് സഹായിക്കും.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.