ഓഫീസിലെ തിരക്കിനിടയിൽ നിങ്ങളുടെ ആരോഗ്യം എപ്പോഴും ശ്രദ്ധിക്കാൻ പറ്റിയേക്കണമെന്നില്ല. പ്രത്യേകിച്ച് ഓഫീസിൽ ഇരുന്ന് ജോലി ചെയ്യുന്നവർക്ക്. അങ്ങനെയെങ്കിൽ നിങ്ങളുടെ ഡയറ്റിൽ ഈ ഭക്ഷണം ഉൾപ്പെടുത്തൂ.
ഉച്ചഭക്ഷണത്തിന് മുമ്പ് ലഘുഭക്ഷണമായി വാഴപ്പഴം കഴിക്കാവുന്നതാണ്. ജോലിയിൽ ശ്രദ്ധ കൂടാൻ വാഴപ്പഴം കഴിക്കുന്നത് സഹായിക്കും.
പ്രോട്ടീനിൻ്റെയും നാരുകളുടെയും മികച്ച ഉറവിടമാണ് കടല. അയൺ, വിറ്റാമിൻ ബി-6, മഗ്നീഷ്യം എന്നിവ കടലയിൽ ധാരാളമായി അടങ്ങിയിരിക്കുന്നു. ജോലി ചെയ്യുമ്പോൾ ലഘുഭക്ഷണമായി ആസ്വദിക്കാവുന്ന മികച്ച ഭക്ഷണമാണ് കടല റോസ്റ്റ് ചെയ്തത്.
ഉച്ചഭക്ഷണത്തിന് മുമ്പ് ഒരു ഗ്ലാസ് പച്ച മോര് കുടിക്കുന്നത് ക്ഷീണം മാറുന്നതിന് നല്ലതാണ്. ധാരാളം പ്രോട്ടീൻ അടങ്ങിയ പ്രോബയോട്ടിക് ഡ്രിങ്കാണ് മോര്.
ഡാർക്ക് ചോക്ലേറ്റിൽ നിങ്ങളുടെ ആരോഗ്യം മെച്ചപ്പെടുത്താൻ കഴിയുന്ന പോഷകങ്ങൾ അടങ്ങിയിട്ടുണ്ട്. ആൻ്റിഓക്‌സിഡൻ്റുകളുടെ ഏറ്റവും മികച്ച ഉറവിടങ്ങളിലൊന്നാണ് ഇത്. സുഗർ ഫ്രീ ആയിട്ടുള്ള ഡാർക്ക് ചോക്ലേറ്റ് കഴിക്കുന്നതാണ് നല്ലത്.
വൈകുന്നേരം കഴിക്കാൻ പറ്റിയ പലഹാരമാണ് പിസ്ത. ആരോഗ്യകരമായ കൊഴുപ്പുകൾ, പ്രോട്ടീൻ, ആൻ്റി ഓക്സിഡൻ്റ് എന്നിവ ധാരാളമായി പിസ്തയിൽ അടങ്ങിയിരിക്കുന്നു.
ശരിയായ രീതിയിലുണ്ടാക്കിയാൽ പോപ്കോൺ ആരോഗ്യകരമായ ഒരു ലഘുഭക്ഷണമാണ്. അമിതമായി എണ്ണ, ബട്ടർ, ഉപ്പ്, പഞ്ചസാര എന്നിവ ചേർത്ത പോപ്കോണല്ല. പകരം ബട്ടർ ഇല്ലാതെ ലേശം ഉപ്പ് ഉപയോഗിച്ച് എയർ പോപ് ചെയ്ത പോപ്കോൺ കഴിക്കുന്നതാണ് നല്ലത്.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക