ലോകത്തിലെ ഏറ്റവും ആരോഗ്യകരമായ ഭക്ഷണങ്ങളിലൊന്നാണ് കീൻവ. പ്രോട്ടീൻ, ഫൈബർ, വിറ്റാമിനുകൾ എന്നിവ ധാരാളമടങ്ങിയ ഗ്ലൂട്ടൻ ഫ്രീ ഭക്ഷണമാണ് കീൻവ. അരിക്ക് പകരമായി നമ്മൾക്ക് ഉപയോഗിക്കാവുന്ന ഒരു സൂപ്പർ ഫുഡാണ് ഇത്.
കീൻവ യഥാർഥത്തിൽ ഒരു ധാന്യമല്ല, ഇത് ഒരു സീഡാണ്. പെറു ആണ് കീൻവയുടെ ജന്മദേശം. വേവിക്കുമ്പോൾ മൃദുവും ഫ്ലഫിയുമാകുന്ന കീൻവയ്ക്ക് നട്സിന്റെയൊക്കെ രുചിയാണ്. കീൻവ കഴിക്കുന്നത് കൊണ്ടുള്ള ആരോഗ്യ ഗുണങ്ങൾ അറിയാം.
കീൻവയിൽ ഒമ്പത് അമിനോ ആസിഡുകളും അടങ്ങിയിട്ടുണ്ട്. മറ്റുള്ള പ്ലാൻ്റ് ബേസ്ഡ് ഭക്ഷണങ്ങളെ അപേക്ഷിച്ച് കീൻവ ഒരു കംപ്ലീറ്റ് പ്രോട്ടീനാണ്. പ്രോട്ടീൻ കഴിക്കണ്ടവർക്ക് സുരക്ഷിതമായി കഴിക്കാവുന്ന ഒന്നാണ് കീൻവ.
വെള്ള അരിയെ അപേക്ഷിച്ച് കീൻവയിൽ ഫൈബറിൻ്റെ അളവ് കൂടുതലാണ്. കൂടുതൽ ഫൈബർ കഴിക്കുന്നത് ദഹനം മെച്ചപ്പെടുത്താനും ശരീരഭാരം കുറയ്ക്കാനും സഹായിക്കുന്നു.
കീൻവയിൽ അരിയെക്കാൾ ഗ്ലൈസെമിക് സൂചിക കുറവാണ്. അതായത് കീൻവ കഴിക്കുമ്പോൾ രക്തത്തിൽ പഞ്ചസാരയുടെ അളവ് ഉയരുന്നതിൻ്റെ തോത് കുറയ്ക്കുന്നു. പ്രമേഹമുള്ളവർക്ക് സുരക്ഷിതമായി കഴിക്കാവുന്ന ഭക്ഷണാണ് കീൻവ.
കീൻവയിൽ ആവശ്യത്തിലധികം വിറ്റാമിനുകളും ധാതുക്കളുമടങ്ങിയിട്ടുണ്ട്. മഗ്നീഷ്യം, ഇരുമ്പ്, സിങ്ക്, വിറ്റാമിൻ ബി തുടങ്ങിയ പോഷകങ്ങൾ കീൻവയിലുള്ളതിനാൽ ഇത് കഴിക്കുന്നത് മൊത്തത്തിലുള്ള ആരോഗ്യം മെച്ചപ്പെടാൻ സഹായിക്കും.
കീൻവയിൽ അടങ്ങിയിരിക്കുന്ന ക്വെർസെറ്റിൻ, കെംഫറോൾ എന്നീ ആൻ്റി - ഓക്സിഡൻ്റുകൾ ശരീരത്തിലുണ്ടാകുന്ന ഇൻഫ്ലമേഷനെതിരെ പോരാടാനും ദോഷകരമായ ഫ്രീ റാഡിക്കലുകളിൽ നിന്ന് സംരക്ഷിക്കാനും സഹായിക്കുന്നു.
കീൻവയിൽ ധാരാളമായി ഫൈബറും പ്രോട്ടീനും അടങ്ങിയിരിക്കുന്നതിനാൽ വിശപ്പുണ്ടാകുന്നത് കുറച്ച് ശരീരഭാരം നിയന്ത്രിക്കുന്നതിനെ സഹായിക്കുന്നു.
ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക