കാഴ്ച ശക്തി കൂട്ടാം; ഈ സൂപ്പർ ഫുഡുകളെ ഡയറ്റിൽ ഉൾപ്പെടുത്തൂ...
ബീറ്റാ കരോട്ടിന്‍ ധാരാളമായി അടങ്ങിയ പച്ചക്കറിയാണ് കാരറ്റ്. ഇവ ശരീരത്തില്‍ ആഗിരണം ചെയ്യപ്പെടുമ്പോള്‍ വൈറ്റാമിന്‍ എ ആയി മാറുകയും കാഴ്ച ശക്തി വര്‍ധിപ്പിക്കാനുള്ള ഘടകമായി പ്രവര്‍ത്തിക്കുകയും ചെയ്യുന്നു.
ചീര പോലുള്ള ഇലക്കറികളിൽ വിറ്റാമിന്‍ എ ധാരാളം അടങ്ങിയിരിക്കുന്നു. കൂടാതെ കാഴ്ചശക്തി വര്‍ദ്ധിപ്പിക്കാന്‍ സഹായിക്കുന്ന ലൂട്ടെന്‍, സിയക്സാന്തിന്‍ എന്നീ പദാര്‍ത്ഥങ്ങളും ഇവയിലുണ്ട്.
ബീറ്റാ കരോട്ടിന്റെ നല്ല ഉറവിടമാണ് മധുരക്കിഴങ്ങ്. അതുകൊണ്ട് തന്നെ കാഴ്ച ശക്തിക്ക് ഇവ ഏറെ ഗുണകരമാണ്.
കാഴ്ച ശക്തി വർധിപ്പിക്കാനായി ഡയറ്റിൽ ചേർക്കാവുന്ന മറ്റൊരു ഭക്ഷണപദാർത്ഥമാണ് കാപ്സികം. ഇവ വിറ്റാമിൻ സിയാൽ സമ്പന്നമാണ്.
ഒമേഗാ 3 ഫാറ്റി ആസിഡുകള്‍ കാഴ്ച ശക്തി കൂട്ടാന്‍ സഹായിക്കുന്ന ഏറ്റവും നല്ല ഘടകമാണ്. മീനുകളില്‍ ധാരാളം ഒമേഗ - 3 ഫാറ്റി ആസിഡുകള്‍ അടങ്ങിയിട്ടുണ്ട്.
ലൂട്ടെന്‍, സിയക്സാന്തിന്‍, വിറ്റാമിൻ ഇ എന്നിവയാൽ സമ്പന്നമായ മുട്ടയും കാഴ്ച ശക്തിസ കൂട്ടാൻ ഗുണകരമാണ്.
ഓറഞ്ചിൽ അടങ്ങിയിട്ടുള്ള വിറ്റാമിൻ സി തിമിര സാധ്യത കുറയ്ക്കുന്നു.
ആൻിഓക്സിഡന്റുകളാൽ സമ്പന്നമാണ് ബ്ലൂബെറി. തിമിരം, കണ്ണിനെ ബാധിക്കുന്ന മറ്റ് രോഗങ്ങൾ എന്നിവയ്കക്ക് നല്ലൊരു പ്രതിവിധി കൂടിയാണിവ.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.