വേനൽക്കാലം ഇങ്ങെത്തിയതോടെ സംസ്ഥാനം ചുട്ടുപോള്ളുകയാണ്. ഈ ചൂടിൽ നിന്നും രക്ഷ നേടാനാകാതെ വിയർക്കുകയാണ് ജനങ്ങൾ. ഈ സാഹചര്യത്തിൽ ഉള്ളം തണുപ്പിക്കാനിതാ ഒരു കിടിലൻ ഡ്രിങ്ക്.
വേനൽ കാലത്ത് പല തരത്തിലുള്ള പാനീയങ്ങൾ നാം കുടിക്കാറുണ്ട്. എങ്കിലും പലരും ഏറ്റവും കൂടുതൽ ആശ്രയിക്കുന്ന ഒന്നാണ് ലൈം ജ്യൂസ് അല്ലെങ്കിൽ നാരങ്ങ ജ്യൂസ്. ഇനി അതിലൊരു ട്വിസ്റ്റായാലോ...?
ലൈം ജ്യൂസ് കുടിച്ച് മടുത്തവർക്കിതാ ഒരു കിടിലൻ ഗ്രേപ്പ് ലൈം കുടിക്കാം. ഇതിനാവശ്യമായ സാധനങ്ങൾ മുന്തിരിങ്ങ, ചെറുനാരങ്ങ, കസ്കസ്, പഞ്ചസാര, തണുത്ത വെള്ളം, ഐസ്ക്യൂബ്സ്.
നാരങ്ങ നന്നായി പിഴിഞ്ഞ് അതിന്റെ ജ്യൂസ് എടുക്കുക. ശേഷം മിക്സിയുടെ ജാറെടുത്ത് അതിലേക്ക് മുന്തിരിയും പഞ്ചസാരയും അൽപ്പം വെള്ളവും ചേർത്ത് നന്നായി അടിച്ചെടുക്കുക.
ഈ അടിച്ചെടുത്തതിലേക്ക് വീണ്ടും ആവശ്യാനുസരണം വെള്ളം ചേർത്ത് നേർപ്പിച്ചെടുക്കുക. ശേഷം ഒരു ഗ്ലാസ്സിലേക്ക് മാറ്റി അതിൽ കസ് കസും ചേർത്ത് കുടിക്കാവുന്നതാണ്.