ഇന്ന് നിരവധി വീടുകളിൽ ചെടികൾ വീട്ടിനുള്ളിൽ തന്നെ വളർത്താറുണ്ട്. വീടിനകവശത്ത് ഭംഗി കൂടുന്നതിനോടൊപ്പം അന്തരീക്ഷമലിനീകരണം കുറയ്ക്കാനും ഇവ സഹായിക്കുന്നു. അകത്തളങ്ങളിൽ വളർത്താവുന്ന മികച്ച ചെടികളെ പരിചയപ്പെട്ടാലോ?
വായുവിൽ നിന്ന് ബെൻസീൻ, ഫോ‌ർമാൽഡിഹൈഡ്, സൈലീൻ, അമോണിയ എന്നിവയെ നീക്കം ചെയ്യുന്നതിന് പീസ് ലില്ലി സഹായിക്കുന്നു. വീടുകളിൽ പോസിറ്റീവ് എനർജിയും സമാധാനം കൊണ്ടുവരാനും പീസ് ലില്ലിക്ക് കഴിയുമെന്നാണ് പറയുന്നത്.
ബെൻസീൻ, ഫോ‌ർമാൽഡിഹൈഡ്, സൈലീൻ, കാർബൺ മോണോക്സൈഡ് എന്നിവ വായുവിൽ നിന്ന് നീക്കം ചെയ്യാൻ സ്പൈഡർ പ്ലാൻ്റ് സഹായിക്കുമെന്നാണ് പറയപ്പെടുന്നത്.
വീട്ടിനുള്ളിലെ വായുവിൽ നിന്ന് ബെൻസീനും ഫോ‌ർമാൽഡിഹൈഡും നീക്കം ചെയ്യാനും കാർബൺ ഡയോക്സൈഡ്, കാർബൺ മോണോക്സൈഡ് എന്നിവ വലിച്ചെടുക്കാനും കറ്റാർ വാഴയ്ക്ക് കഴിയും.
ഫോ‌ർമാൽഡിഹൈഡ്, നൈട്രജൻ ഓക്സൈഡ്, ബെൻസീൻ, സൈലീൻ, ട്രൈക്ലോറോഎത്തിലീൻ തുടങ്ങിയ വായുവിലുള്ള വിഷാംശങ്ങളെ വലിച്ചെടുത്ത് വായു ശുദ്ധീകരിക്കാൻ സ്നേക്ക് പ്ലാൻ്റ് സഹായിക്കുന്നു.
അലർജി ഉണ്ടാക്കുന്ന പൂപ്പലുകളും മറ്റ് ഫംഗസുകളും വായുവിൽ നിന്ന് നീക്കം ചെയ്യാൻ സഹായിക്കുന്ന ഒരു ഇൻഡോർ പ്ലാൻ്റാണ് ഇംഗ്ലീഷ് ഐവി.
ഏറെ ആരാധകരുള്ള ഒരു ചെടിയാണ് ബാംബു പാം. ബെൻസീൻ, ഫോ‌ർമാൽഡിഹൈഡ്, ട്രൈക്ലോറോഎത്തിലീൻ, സൈലീൻ, ടോലുയീൻ എന്നീ വായുവിലെ വിഷാംശങ്ങളെ ഫിൽട്ടർ ചെയ്യുന്നതിന് ഈ ചെടി സഹായിക്കുന്നു.