മിക്ക ആളുകളും ഇന്ന് നേരിടുന്ന പ്രധാന പ്രശ്നങ്ങളിലൊന്നാണ് മുടി കൊഴിച്ചില്. ഒരു ദിവസം 100 മുടിയിഴകൾ വരെ ഒരാൾക്ക് നഷ്ടപ്പെടുന്നത് സ്വാഭാവികമാണ് എന്നാണ് പറയപ്പെടുന്നത്. എന്നാൽ ഇതിനേക്കാൾ കൂടുതല് കൊഴിയുമ്പോള് അതിനെ മുടി കൊഴിച്ചില് ആയി കണക്കാക്കാം.
മുടിയുമായി ബന്ധപ്പെട്ട പ്രശ്നങ്ങള്ക്ക് ഒരു പരിധിവരെ പരിഹാരം കാണുവാന് നമുക്ക് സാധിക്കും. മുടികൊഴിച്ചില് തടയാന് ചില പ്രത്യേക എണ്ണകള് ഉപയോഗിച്ച് തല നനായി മസാജ് ചെയ്യുന്നത് ഏറെ ഉപകാരപ്രദമാണ്.
ശിരോചര്മത്തെ പോഷിപ്പിച്ച് മുടി വളര്ച്ചയെ സഹായിക്കുന് ഒന്നാണ് ആവണക്കെണ്ണ. ശിരോചര്മ്മം വരണ്ടുപോകാതിരിക്കാന് ഒരു മോയിസ്ചറൈസറായും ആവണക്കെണ്ണ ഉപയോഗിക്കാം.
ഒരു വിദേശിയാണ് എങ്കിലും നമ്മുടെ നാട്ടിലും പ്രചാരത്തിലുണ്ട് ഒലിവ് ഓയില്. മുടിയുടെ കട്ടി കുറയുന്നത് തടഞ്ഞ് മുടിവളര്ച്ചയ്ക്ക് സഹായിക്കുന്ന മികച്ച ഒരു എണ്ണയാണ് ഒലിവ് എണ്ണ.
മുടിയ്ക്ക് ഏറെ ഉത്തമമാണ് സവാള എണ്ണ. മുടി വളരാന് സഹായിക്കുന്ന കൊളാജനും സള്ഫറും സവാളയില് ധാരാളം അടങ്ങിയിട്ടുണ്ട്.
വെളിച്ചെണ്ണയില് അടങ്ങിയിട്ടുള്ള വൈറ്റമിനുകളും മിനറലുകളും മുടിക്ക് കരുത്ത് പകരുന്നതിനൊപ്പം മുടിയെ മൃദുലവും തിളക്കമുള്ളതുമാക്കി മാറ്റാനും വെളിച്ചെണ്ണ സഹായിയ്ക്കും .
കാലങ്ങളായി തലുടിയുടെ സംരക്ഷണത്തിന് ഉപയോഗിച്ചുവരുന്ന ഒന്നാണ് വേപ്പെണ്ണ. ഇവയുടെ ആന്റിമൈക്രോബിയല്, ആന്റി ഫംഗല് ഗുണങ്ങള് താരനെ ചെറുക്കാനും ശിരോചര്മ്മത്തില് ഉണ്ടാകുന്ന ചൊറിച്ചിലും മറ്റ് അസ്വസ്ഥതകളും കുറയ്ക്കാനും സഹായിക്കും.
വരണ്ട മുടിക്ക് ആല്മണ്ട് ഓയില് വളരെ മികച്ചതാണ്. വൈറ്റമിന് ഇ, ഫാറ്റി ആസിഡ്സ് അടക്കം പല അവശ്യ പോഷകങ്ങളും അടങ്ങിയിട്ടുള്ളതിനാല് ഇത് മുടിയുടെ പ്രശ്നങ്ങള്ക്ക് ഒരു ഉത്തമ പരിഹാരമാണ്.
ലിക്വിഡ് ഗോള്ഡ് എന്നാണ് ഈ എണ്ണ അറിയപ്പെടുന്നത്. ആന്റിഓക്സിഡന്റുകളും വൈറ്റമിന് ഇ-യും ധാരാളം അടങ്ങിയിട്ടുള്ള ആര്ഗന് ഓയില് തലയോട്ടിയുടെ ആരോഗ്യത്തിനും നല്ലതാണ്.