നമ്മുടെ കാഴ്ചപ്പാടില്‍ 'ഗ്രേഡ് ' കുറഞ്ഞ ഒരു ഭക്ഷ്യവിഭവമാണ് ഉരുളക്കിഴങ്ങ്. വണ്ണം കൂടുമെന്ന ഭയവും ഇതിനെ ആളുകള്‍ ഉപേക്ഷിക്കാന്‍ ഇടയാക്കി.
യഥാർത്ഥത്തിൽ ധാരാളം പോഷകങ്ങൾ നിറഞ്ഞതാണ് ഉരുളക്കിഴങ്ങ് എന്നതാണ് വസ്തുത.
ഉരുളക്കിഴങ്ങിൽ നാരുകളും അന്നജവും അടങ്ങിയിരിയ്ക്കുന്നതിനാല്‍ ഇത് വിശപ്പ് കുറയ്ക്കാൻ സഹായിക്കുന്നു.
എല്ലുകളുടെ ആരോഗ്യത്തിനും വളർച്ചയ്ക്കും ഇതിലടങ്ങിയിരിക്കുന്ന ഫോസ്ഫറസ്, അയൺ , മഗ്നീഷ്യം, കാൽസ്യം, സിങ്ക് എന്നിവ സഹായിക്കുന്നു
ഉരുളക്കിഴങ്ങില്‍ അടങ്ങിയിരിക്കുന്ന നാരുകളും, വൈറ്റമിൻ സി, ബി6, പൊട്ടാസ്യം എന്നിവ ഹൃദ്രോഗങ്ങളിൽ നിന്നു സംരക്ഷണം നൽകും.
ഉരുളക്കിഴങ്ങിലടങ്ങിയിരിക്കുന്ന പ്രോട്ടീനായ ലെക്റ്റിൻസ് കാൻസർ കോശങ്ങളുടെ വളർച്ച തടയുമെന്നാണ് പഠനങ്ങള്‍ പറയുന്നത്.
ഉരുളക്കിഴങ്ങിലടങ്ങിയിരിക്കുന്ന വൈറ്റമിൻ സി ചുളിവുകളും പാടുകളുമകറ്റി ചർമം സുന്ദരവും മൃദുലവുമാക്കുന്നു
പെട്ടെന്ന് ക്ഷീണകറ്റാന്‍ ഉരുളക്കിഴങ്ങ് കൊണ്ടുള്ള വിഭവം കഴിയ്ക്കുന്നത് സഹായിയ്ക്കും. ഇതില്‍ അടങ്ങിയിരിക്കുന്ന കാർബോഹൈഡ്രേറ്റ്സ് ആണ് സഹായകമാവുന്നത്.
അൽഷിമേഴ്‌സ് രോഗികള്‍ ഉരുളക്കിഴങ്ങ് ധാരാളം കഴിയ്ക്കുന്നത് നല്ലതാണ്. ഇതിലെ വിറ്റാമിനുകളും ധാതുക്കളും തലച്ചോറിന്‍റെ പ്രവർത്തനത്തെ സഹായിയ്ക്കുന്നു.