ചുമ മുതൽ ഹൃദ്രോഗം വരെ; തുളസിയിലയുടെ ഈ ഗുണങ്ങൾ അറിയാമോ?
അമിത സമ്മർദ്ദം കുറയ്ക്കാൻ തുളസിക്ക് കഴിയും. ദിവസവും ഏകദേശം 10-12 തുളസി ഇലകൾ ചവയ്ക്കുന്നത് രക്തചംക്രമണം ക്രമീകരിക്കാനും സമ്മർദ്ദം ഉണ്ടാകുമ്പോൾ ശരീരത്തിൽ ഉത്പാദിപ്പിക്കുന്ന ഫ്രീ റാഡിക്കലുകളെ ചെറുക്കാനും സഹായിക്കും.
തുളസി ഇലകൾ കഴിക്കുകയോ നീര് കുടിക്കുകയോ ഫേസ് പാക്കിൽ അരച്ച് ചേർക്കുകയോ ചെയ്യുന്നത് ചർമ്മത്തിൽ ഉണ്ടാകുന്ന പല പ്രശ്നങ്ങളും സുഖപ്പെടുത്താൻ സഹായിക്കും. ഇതിലെ ആൻറി ബാക്ടീരിയൽ, ആൻറി ഫംഗൽ ഗുണങ്ങൾ മുഖക്കുരു, പാടുകൾ എന്നിവ ഉണ്ടാവുന്നത് തടയാൻ സഹായിക്കുന്നു.
ഡൈയൂററ്റിക് ഗുണങ്ങൾ അടങ്ങിയതിനാൽ ശരീരത്തിലെ വിഷാംശം ഇല്ലാതാക്കാൻ തുളസി സഹായിക്കുന്നു.
തുളസിയില അരച്ച് തലയിൽ പുരട്ടുന്നത് നല്ലതാണ്. ഇവ മുടി വളർച്ചയെ ശക്തിപ്പെടുത്തുകയും താരൻ അകറ്റാൻ സഹായിക്കുകയും ചെയ്യുന്നു.
തുളസിയുടെ ആന്റിഓക്‌സിഡന്റ് ആൻറിബയോട്ടിക് ഗുണങ്ങൾ പ്രമേഹം കുറയ്ക്കാനും ഹൃദയസംബന്ധമായ പ്രശ്നങ്ങൾ ചികിത്സിക്കുന്നതിലും നിർണായക പങ്ക് വഹിക്കുന്നു.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.