ഇനി ഉറങ്ങിക്കൊണ്ട് വണ്ണം കുറയ്ക്കാം..! ആ രഹസ്യം അറിയാമോ? ശരീരഭാരം കുറയ്ക്കാനുള്ള 5 ടിപ്സ് ഇതാ
വിശപ്പ് നിയന്ത്രിക്കുന്ന ഹോർമോണുകളാണ് ഗ്രെലിൻ, ലെപ്റ്റിൻ എന്നിവ. ശരിയായ ഉറക്കം ലഭിച്ചില്ലെങ്കിൽ ഗ്രെലിന്റെ അളവ് കൂടുകയും ലെപ്റ്റിന്റെ അളവ് കുറയുകയും ചെയ്യും. ഇത് അമിതമായി ഭക്ഷണം ഴിക്കാൻ പ്രേരിപ്പിക്കും.
ഉറക്കം കുറയുമ്പോൾ ചിലപ്പോൾ ചില ഭക്ഷണങ്ങളോട് കൊതി കൂടും. മധുരപലഹാരങ്ങൾ, ചിപ്സ് തുടങ്ങിയ കലോറി കൂടിയ ഭക്ഷണങ്ങൾ കഴിക്കാനാകും ഇഷ്ടം. ഇത് ശരീരഭാരം കൂട്ടും.
ശരീരത്തിന്റെ മെറ്റബോളിസത്തെ ബാധിക്കുന്ന ഒന്നാണ് ഉറക്കക്കുറവ്. ആവശ്യത്തിന് ഉറക്കം ലഭിച്ചില്ലെങ്കിൽ ഉപാപചയ പ്രവർത്തനം മന്ദഗതിയിലാകും.
നന്നായി ഉറങ്ങിയില്ലെങ്കിൽ ശരീരകോശങ്ങൾ ഇൻസുലിനോട് ശരിയായി പ്രതികരിക്കാതെ വരും. ഇത് രക്തത്തിലെ പഞ്ചസാരയുടെ അളവ് കൂടാൻ കാരണമാകും. ശരീരത്തിൽ കൊഴുപ്പും അടിഞ്ഞുകൂടും.
കൃത്യമായ ഉറക്കം ലഭിച്ചാൽ മാത്രമേ ഉന്മേഷത്തോടെയുള്ള ഒരു ദിവസം ആരംഭിക്കാനാകൂ. നന്നായി ഉറങ്ങിയാൽ നല്ല ഊർജ്ജത്തോടെ വ്യായാമം ചെയ്യാൻ സാധിക്കും.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.