പല്ലുവേദന ഒരു വലിയ പ്രശ്നം തന്നെയാണ്. ദന്തക്ഷയം, മോണരോഗം, ദന്തസംബന്ധമായ അണുബാധകൾ എന്നിങ്ങനെ വിവിധ ഘടകങ്ങൾ മൂലമുണ്ടാകുന്ന ഒരു പ്രശ്നമാണ് പല്ലുവേദന. പല്ലുവേദന മാറ്റാനുള്ള ചില വീട്ടുവൈദ്യങ്ങൾ അറിയാം.
പല്ലുവേദനയ്ക്കുള്ള ഏറ്റവും നല്ല പരിഹാരമാണ് ഉപ്പുവെള്ളം കവിൾക്കൊള്ളുകയെന്നത്. ഇത് വായിലെ സൂക്ഷ്മാണുക്കളോട് പോരാടുകയും പ്രകോപനം കുറയ്ക്കുകയും ചെയ്യുന്നു.
ഗ്രാമ്പൂ എണ്ണയിൽ കാണപ്പെടുന്ന പ്രകൃതിദത്തമായ വേദനസംഹാരിയായ യൂജെനോൾ ആൻറി ബാക്ടീരിയൽ, വീക്കം കുറയ്ക്കുന്നു. ഒരു പഞ്ഞി ഗ്രാമ്പൂ ഓയിലിൽ മുക്കി വേദനയുള്ള പല്ലിൽ വയ്ക്കാവുന്നതാണ്.
കോൾഡ് കംപ്രസ് വീക്കം കുറയ്ക്കാൻ സഹായിക്കുകയും ദന്ത വേദനയ്ക്ക് ആശ്വാസം നൽകുകയും ചെയ്യും. ഒരു ഐസ് പാക്ക് കവിളിൽ പതിനഞ്ച് മിനിറ്റ് നേരം വയ്ക്കുന്നത് വീക്കം കുറയ്ക്കും.
പല്ലുവേദനയ്ക്ക് പെപ്പർമിന്റ് ചായ നല്ലതാണ്. ആന്റി ഇൻഫ്ലമേറ്ററി ഗുണങ്ങൾ ഇതിലുണ്ട്.
വായിലെ ബാക്ടീരിയയും അസ്വസ്ഥതയും ഹൈഡ്രജൻ പെറോക്സൈഡ് ഉപയോഗിച്ച് ഇല്ലാതാക്കാം. തുല്യ അളവിൽ വെള്ളം, 3% ഹൈഡ്രജൻ പെറോക്സൈഡ് എന്നിവ ചേർത്ത് ഉപയോഗിക്കാം. മൗത്ത് വാഷായി ഉപയോഗിക്കാം ഇത്.
വെളുത്തുള്ളിക്ക് ആൻറി ബാക്ടീരിയൽ, വേദനസംഹാരി ഗുണങ്ങളുണ്ട്. ഇത് പല്ലുവേദനയെ ഇല്ലാതാക്കാൻ സഹായിക്കുന്നു . ഒരു വെളുത്തുള്ളി അല്ലി ചതച്ച് പേസ്റ്റ് ഉണ്ടാക്കി വേദനയുള്ള പല്ലിൽ നേരിട്ട് പുരട്ടുക.