China Flood: ബെയ്ജിങ്ങിൽ കനത്തമഴയെ തുടർന്ന് പ്രളയം; മരണം 34 കവിഞ്ഞു
China Floods Latest Updates: 28 പേര് മിയുന് ജില്ലയിലും രണ്ട് പേര് യാങ്കിംഗ് ജില്ലയിലുമാണ് മരണമടഞ്ഞത്
 "China Flood: ബെയ്ജിങ്ങിൽ കനത്തമഴയെ തുടർന്ന് പ്രളയം; മരണം 34 കവിഞ്ഞു")
About the Author
Trending
- News
- Photos
- Videos
)
4
ബെയ്ജിങ്: ബെയ്ജിങ്ങില് കനത്തമഴയെ തുടര്ന്നുണ്ടായ പ്രളയത്തില് 30 മരണം കൂടി സ്ഥിരീകരിച്ചതായി റിപ്പോർട്ട്. ഇതോടുകൂടി ബെയ്ജിങ്ങിന്റെ സമീപപ്രദേശങ്ങളിലടക്കം മഴക്കെടുതിയിലുണ്ടായ മരണം 34 ആയിട്ടുണ്ട്.
28 പേര് മിയുന് ജില്ലയിലും രണ്ട് പേര് യാങ്കിംഗ് ജില്ലയിലുമാണ് മരണമടഞ്ഞത്. ഇതിനിയിടയിൽ സമീപപ്രദേശമായ ഹെയ്ബെയ് പ്രവിശ്യയിലെ ലുയാന്പിങ് കൗണ്ടിയിലെ ഗ്രാമപ്രദേശത്ത് ഇന്നലെയുണ്ടായ മണ്ണിടിച്ചിലില് നാലുപേര് കൂടി മരിച്ചതോടെയാണ് മരണസംഖ്യ 34 ആയി ഉയര്ന്നത്. അര്ധരാത്രിയിലും കനത്ത മഴ തുടര്ന്നോടെ ബെയ്ജിങ്ങില് 80,000 പേരെ മാറ്റിപ്പാര്പ്പിച്ചിട്ടുണ്ട്.
ഇതില് 17,000 ത്തോളം പേര് മിയുന് ജില്ലയില് നിന്നുള്ളവരാണ്. പ്രദേശത്ത് ആശയവിനിമയ സംവിധാനങ്ങള് നിലച്ച സ്ഥിതിയാണുള്ളതെന്നാണ് റിപ്പോർട്ട്. മിയുണിലെ റിസര്വയോറുകളില് ജലനിരപ്പ് ഉയര്ന്നതോടെ അധികൃതര് ജലം തുറന്നുവിട്ടു. 1959 ല് റിസര്വയോര് നിര്മിച്ചതിനുശേഷമുള്ള ചരിത്രത്തിലെ ഏറ്റവും ഉയര്ന്ന ജലനിരപ്പാണ് ഇവിടെ രേഖപ്പെടുത്തിയത് എന്നാണ് റിപ്പോർട്ട്. ബെയ്ജിങ്ങിലെ 130 ഗ്രാമങ്ങളിലെ വൈദ്യുതിബന്ധം ചുഴലിക്കാറ്റില് തടസ്സപ്പെട്ടിരിക്കുകയാണ്.
Also Read:
മധ്യ ബെയ്ജിങ്ങില് നിന്നും നൂറ് കിലോമീറ്റര് വടക്കുകിഴക്കായി സ്ഥിതിചെയ്യുന്ന തായ്ഷിതൂണ് പട്ടണത്തില് വലിയ നാശനഷ്ടങ്ങളുണ്ടായതായും റിപ്പോർട്ടുണ്ട്. ഇന്നലെ രാത്രി എട്ടുമണിക്കാണ് ബെയ്ജിങ് അധികൃതര് ടോപ്പ് ലെവല് എമര്ജന്സി റെസ്പോണ്സ് പ്രഖ്യാപിച്ചത്. ആളുകളോട് വീടുകളില്ത്തന്നെ തുടരാനും സ്കൂളുകള് അടച്ചിടാനും നിര്ദേശം നൽകിയിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
