close

News WrapGet Handpicked Stories from our editors directly to your mailbox

കാമുകിയെ ബാലാത്സംഗം ചെയ്യാന്‍ പരസ്യം നല്‍കി കാമുകന്‍!!

പരസ്യത്തിന് മറുപടിയായി വന്ന ഇ-മെയില്‍ കണ്ടപ്പോഴാണ് കഴിഞ്ഞ നാല് വര്‍ഷമായി യുവാവുമായി പ്രണയത്തിലായിരുന്ന പെണ്‍കുട്ടി കാര്യമറിയുന്നത്. 

Sneha Aniyan | Updated: May 15, 2019, 01:47 PM IST
കാമുകിയെ  ബാലാത്സംഗം ചെയ്യാന്‍ പരസ്യം നല്‍കി കാമുകന്‍!!

കാമുകന്‍ ഏത് രീതിയിലാകും പ്രൊപ്പോസ് ചെയ്യുന്നതെന്നറിയാന്‍ ആര്‍ക്കായാലും ആഗ്രഹമുണ്ടാകും. എന്നാല്‍, അതറിയാന്‍ ശ്രമിച്ച ഒരു പെണ്‍കുട്ടിയ്ക്ക് ഉണ്ടായത് ആരെയും ഞെട്ടിക്കുന്ന ഒരനുഭവമാണ്. 

എങ്ങനെയാകും തന്നെ വ്യത്യസ്തമായി പ്രൊപ്പോസ് ചെയ്യുന്നതെന്നറിയാനായി കാമുകന്‍റെ ഫോണ്‍ പരിശോധിച്ചപ്പോഴാണ് ഞെട്ടിക്കുന്ന ആ സത്യം പെണ്‍കുട്ടി മനസിലാക്കിയത്.

തന്നെ ബലാത്സംഗം ചെയ്യാന്‍ അപേക്ഷകള്‍ ക്ഷണിച്ച് പരസ്യം നല്‍കിയിരിക്കുകയാണ് കാമുകന്‍!!

ഇരുപതുകാരിയായ പെണ്‍കുട്ടിയുടെ ചിത്രമുള്‍പ്പടെയാണ് ക്രെയ്ഗ്ലിസ്റ്റ് എന്ന ഓണ്‍ലൈന്‍ വെബ്സൈറ്റില്‍ കാമുകന്‍ പരസ്യം നല്‍കിയത്. ലൈംഗിക ബന്ധത്തിലേര്‍പ്പെടാനും ബാലാത്സംഗം ചെയ്യാനും അവസരം നല്‍കുന്നതായിരുന്നു പരസ്യം.

പെണ്‍കുട്ടിയുടെ സുഹൃത്ത് ട്വിറ്ററിലൂടെ പങ്കുവെച്ച കുറിപ്പ് വൈറലായതോടെയാണ് സംഭവം പുറം ലോകമറിയുന്നത്. 

പരസ്യത്തിന് മറുപടിയായി വന്ന ഇ-മെയില്‍ കണ്ടപ്പോഴാണ് കഴിഞ്ഞ നാല് വര്‍ഷമായി യുവാവുമായി പ്രണയത്തിലായിരുന്ന പെണ്‍കുട്ടി കാര്യമറിയുന്നത്. 

കാമുകിയുടെ സുരക്ഷ-വിശ്വാസ പ്രശ്നങ്ങള്‍ കാരണം ഇരുവരും വേര്‍പിരിഞ്ഞുവെന്നും യുവാവ് പറഞ്ഞു പരത്തിയതായി ട്വീറ്റില്‍ പറയുന്നു.

'നിങ്ങള്‍ക്ക് എന്‍റെ കാമുകിയെ ബലാത്സംഗം ചെയ്യാം' എന്ന സന്ദേശത്തിനൊപ്പ൦ ഇരുവരും ലൈംഗീക ബന്ധത്തിലേര്‍പ്പെടുന്ന വീഡിയോകളും ചിത്രങ്ങളും യുവാവ് പങ്കുവച്ചിട്ടുണ്ടെന്ന് ട്വീറ്റില്‍ പറയുന്നു.  

ട്വീറ്റിന് 15,000 റീട്വീറ്റുകളും മറുപടികളും ലഭിച്ചു. ഇതിനെതിരെ പൊലീസില്‍ പരാതി നല്‍കണ൦ എന്നാണ് പലരുടെയും അഭിപ്രായം.