 "Mid-Flight Chaos: വിമാനയാത്രയ്ക്കിടെ സഹയാത്രികനെ ആക്രമിച്ച ഇന്ത്യൻവംശജൻ അറസ്റ്റിൽ")
വാഷിങ്ടൺ: വിമാന യാത്രയ്ക്കിടെ സഹയാത്രികനെ ആക്രമിച്ച ഇന്ത്യൻ വംശജൻ അമേരിക്കയിൽ അറസ്റ്റിലായതായി റിപ്പോർട്ട്. പിടിയിലായത് 21 വയസുള്ള ഇഷാൻ ശർമയാണ്.
സംഭവം നടന്നത് ഫിലാഡൽഫിയയിൽ നിന്നും മിയാമിയിലേക്ക് പോവുകയായിരുന്ന ഫ്രണ്ടിയർ എയർലെെൻസ് വിമാനത്തിൽ തിങ്കളാഴ്ചയോടെയായിരുന്നു. ഇതിന്റെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്. ഫിലാഡൽഫിയയിൽ നിന്ന് വിമാനം പറന്നുയർന്ന ഉടൻതന്നെ കീനു ഇവാൻസിനെ യാതൊരു പ്രകോപനവുമില്ലാതെ ഇഷാൻ ആക്രമിക്കുകയായിരുന്നു എന്നാണ് പരാതി.
വിമാനത്തിൽ തന്റെ മുന്നിലെ സീറ്റിലിരുന്ന കീനുവിനെ ഇഷാൻ കഴുത്തിൽ കയറി പിടിക്കുകയും തുടർന്നും പലതവണ കീനുവിന് നേരെ ഇഷാൻ ഭീഷണി മുഴക്കി എന്നുമാണ് പരാതി. ഇതിനിടയിൽ വിമാനത്തിലെ സഹയാത്രികർ പലതവണ ആവർത്തിച്ചിട്ടും ഇഷാൻ അക്രമം നിർത്തിയില്ല. തുടർന്ന് വിമാനത്തിലെ ജീവനക്കാരെ അസിസ്റ്റൻസ് ബട്ടണിലൂടെ കീനു വിളിച്ചു വരുത്തുകയായിരുന്നു. സംഭവത്തിൽ ഇഷാനും കീനുവിനും പരിക്കേറ്റിട്ടുണ്ടെങ്കിലും ഇഷാന് കണ്ണിനാണ് പരിക്ക് എന്നാൽ കീനുവിന്റെ പരിക്ക് സാരമുള്ളതല്ല.
വിമാനം മിയാമി അന്താരാഷ്ട്ര വിമാനത്താവളത്തിലെത്തിയ ഉടനെ ഇഷാനെ പോലീസ് അറസ്റ്റു ചെയ്തു കോടതിയിൽ ഹാജരാക്കി. ഇന്ത്യൻ വംശജൻ കൂടിയായ ഇഷാൻ ന്യൂജേഴ്സിയിലാണ് താമസിക്കുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)