Iran Israel Conflict: ശത്രു വലിയ തെറ്റ് ചെയ്തു, ഇസ്രായേൽ ശിക്ഷിക്കപ്പെടണം: യുഎസ് ആക്രമണത്തിൽ പ്രതികരിച്ച് ഖാമ്നായി

Iran Israel Conflict Latest Updaters: ആണവ കേന്ദ്രങ്ങളിൽ അമേരിക്ക നടത്തിയ ആക്രമണങ്ങളെ അപലപിച്ചു കൊണ്ട് ഇറാൻ പരമോന്നത നേതാവ് ഖാമ്നായി രംഗത്ത്.

തെഹ്റാൻ: ഇറാന്റെ ആണവ കേന്ദ്രങ്ങൾക്ക് നേരെയുള്ള അമേരിക്കയുടെ ആക്രമണത്തിന് പിന്നാലെ പ്രതികരണവുമായി ഇറാൻ്റെ പരമോന്നത നേതാവ് ആയത്തുള്ള അലി ഖാമ്നായി രംഗത്ത്. ഇസ്രയേലിനുള്ള ശിക്ഷ തുടരുമെന്നാണ് ഖാമ്നായി പറഞ്ഞിരിക്കുന്നത്. ഔദ്യോഗിക എക്‌സ് അക്കൗണ്ടിലൂടെയാണ് ഇക്കാര്യം അറിയിച്ചിരിക്കുന്നത്. 

വീണ്ടുവിചാരമില്ലാത്ത പ്രകോപനത്തിന് ശത്രുക്കൾ കഠിനമായാ സ്നിക്ഷ നേരിടേണ്ടിവരുമെന്നും ഖാമ്നായി പറഞ്ഞു. 'സയണിസ്റ്റ് ശത്രു ഒരു വലിയ തെറ്റ് ചെയ്തുവെന്നും ശിക്ഷിക്കപ്പെടണമെന്നും  ശിക്ഷിക്കപ്പെടുകയാണെന്നുമാണ്, ഖാമ്നായി വ്യക്തമാക്കിയിരിക്കുന്നത്.

അമേരിക്കയുടെ ആക്രമണത്തിന് പിന്നാലെ കനത്ത ആക്രമണങ്ങളാണ് ഇറാനിലും ഇസ്രയേലിലും നടക്കുന്നത്. കഴിഞ്ഞ രണ്ട് മണിക്കൂറായി തെഹ്‌റാനില്‍ വന്‍ സ്‌ഫോടന ശബ്ദങ്ങൾ കേള്‍ക്കുന്നുണ്ടെന്നാണ് അന്താരാഷ്ട്ര മാധ്യമങ്ങൾ റിപ്പോര്‍ട്ട് ചെയ്യുന്നത്. തെഹ്‌റാന്റെ തെക്ക് കിഴക്കെ പാര്‍ച്ചിനില്‍ സ്ഥിതി ചെയ്യുന്ന സൈനിക കേന്ദ്രം ഇസ്രയേല്‍ ആക്രമിച്ചു. തെഹ്‌റാന്‍, കെര്‍മന്‍ഷാ, ഹമേദന്‍ എന്നിവിടങ്ങളില്‍ 20 ഫൈറ്റര്‍ ജെറ്റുകള്‍ ഇസ്രയേല്‍ അയച്ചിട്ടുണ്ടെന്നും റിപ്പോർട്ടുണ്ട്.