 "Israel-Iran Conflict: ഇറാന് കീഴടങ്ങില്ല, ചെയ്ത തെറ്റിന് ഇസ്രായേലിന് ശിക്ഷ ലഭിക്കും... ഇറാനെ അഭിസംബോധന ചെയ്ത് ഖാമ്നായി")
)
ടെഹ്റാന്: ഇസ്രായേല് - ഇറാന് തമ്മിലുള്ള സംഘര്ഷം യുദ്ധത്തിലേക്ക് നീങ്ങുന്ന സാഹചര്യത്തില് ഇറാനിലെ ജനങ്ങളെ അഭിസംബോധന ചെയ്ത് പരമോന്നത നേതാവ് അലി ഹുസൈനി ഖാമ്നായി. ചെയ്ത തെറ്റിന് ഇസ്രായേല് ശിക്ഷിക്കപ്പെടും എന്നാണ് ഖാമ്നായി വ്യക്തമാക്കുന്നത്. ഇസ്രായേല് അടിച്ചേല്പിച്ച യുദ്ധമാണിതെന്നും ഇറാന് ഒരിക്കലും കീഴടങ്ങില്ലെന്നും ഖാമ്നായി വ്യക്തമാക്കി.
അമേരിക്കയ്ക്കും ഖാമ്നായി മുന്നറിയിപ്പ് നല്കുന്നുണ്ട്. അമേരിക്ക ഏതെങ്കിലും തരത്തിലുള്ള സൈനിക ഇടപെടല് നടത്തിയാല്, അത് ഒരിക്കലും പരിഹരിക്കാനാത്ത തരത്തിലുള്ള ദോഷം ആയിരിക്കും സൃഷ്ടിക്കുക എന്നാണ് മുന്നറിയിപ്പ്. ഇറാനെ ആക്രമിക്കുന്ന കാര്യത്തില് ഇസ്രായേലിനൊപ്പം ചേരാന് അമേരിക്ക പദ്ധതിയിടുന്നു എന്ന വാര്ത്തകള് പുറത്ത് വരുന്ന സാഹചര്യത്തിലാണ് മുന്നറിയിപ്പ്.
ഇറാന് പരമോന്നത നേതാവ് ആയത്തൊള്ള അലി ഹുസൈനി ഖാമ്നായിയുടെ ടെലിവിഷന് സന്ദേശത്തില് ആണ് ഇസ്രായേലിനുള്ള ഭീഷണിയും അമേരിക്കയ്ക്കുള്ള മുന്നറിയിപ്പും ഉള്ളത്. ഇറാനേയും ഇറാനിലെ ജനങ്ങളേയും ഇറാന്റെ ചരിത്രവും അറിയുന്ന ബുദ്ധിയുള്ള മനുഷ്യര് ഈ രാജ്യത്തോട് ഒരിക്കലും ഭീഷണിയുടെ ഭാഷയില് സംസാരിക്കില്ല എന്നാണ് ഖാമ്നായി പറഞ്ഞത്. ഇറാനികള് ഒരിക്കലും കീഴടങ്ങുന്നവരല്ലെന്നും ഖാമ്നായി ആവര്ത്തിച്ചു.
ഇതിനിടെ ഇറാന് മുകളിലൂടെ പറന്ന തങ്ങളുടെ ഒരു ഡ്രോണ് വെടിവച്ചിട്ടതായി ഇസ്രായേല് സൈന്യം സ്ഥിരീകരിച്ചിട്ടുണ്ട്. ഇസ്രായേല് നടത്തിയ ആക്രമണത്തില് ഇറാനിലെ രണ്ട് സെന്ട്രിഫ്യൂഗ് പ്രൊഡക്ഷന് കേന്ദ്രങ്ങള്ക്ക് കേടുപാടുകള് പറ്റിയതായി അന്താരാഷ്ട്ര ആണവോര്ജ്ജ ഏജന്സി സ്ഥിരീകരിക്കുകയും ചെയ്തിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
